ચાંદ્રાણી-લાખાપર રોડ પર બાઇક અને કાર વચ્ચે સર્જાયો ગમખ્વાર અકસ્માત : બાઇક ચાલકનું ઘટના સ્થળે જ કમકમાટી ભર્યું મોત
copy image
અંજાર ખાતે આવેલ ચાંદ્રાણી-લાખાપર રોડ પર સરહદ ડેરી નજીક બાઇક અને કાર વચ્ચે સર્જાયેલ ગમખ્વાર અકસ્માતમાં બાઇક ચાલકનું ઘટના સ્થળે જ કમકમાટી ભર્યું મોત નીપજયું હતું. આ બનાવ અંગે પ્રાપ્ત થતી વિગતો મુજબ ગત તા. 15-11 ના રોજ હતભાગી યુવાન જયંતી જેસંગ ઉર્ફે જેસા રવજી રાઠોડ નામનો યુવાન બાઇક લઇને પોતાના મિત્રને મૂકવા જઇ રહ્યો હતો. તે દરમ્યાન ચાંદ્રાણી-લાખાપર વચ્ચે સરહદ ડેરી નજીક કારના ચાલકે અચાનક રોડ વચ્ચે બ્રેક મારતાં પાછળથી આવતી બાઇક તેમાં ભટકાઈ હતી, જેમાં ચાલક જયંતીને ગંભીર ઇજાઓ પહોંચતા તેનું ઘટના સ્થળે જ મોત નીપજયું હતું. તેમજ પાછળ સવાર હતભાગી યુવાનના મિત્રને સારવાર અર્થે લઇ જવામાં આવેલ હતો.આ મામલે હતભાગી યુવાનના પિતાએ કાર ચાલક વિરુદ્ધ પોલીસ મથકે ફરિયાદ નોંધાવતા પોલીસે આ મામલે આગળની વધુ તપાસ આદરી છે.
