મુંદ્રા ખાતે આવેલ મોખા પુલ નજીકથી શરાબ ભરેલી કાર સાથે એક શખ્સને ઝડપી પાડતી પ્રાગપર પોલીસ

 મુંદ્રા ખાતે આવેલ મોખા પુલ નજીકથી શરાબ ભરેલી એક કાર સાથે પોલીસે એક શખ્સને ઝડપી પાડ્યો છે. આ મામલે સૂત્રો દ્વારા પ્રાપ્ત થતી માહિતી અનુસાર પ્રાગપર પોલીસ પેટ્રોલિંગમાં હતી તે દરમ્યાન તેમને ખાનગી રાહે બાતમી મળેલ હતી કે, શરાબ ભરેલ એક સફેદ ક્રેટા માંડવી-અંજાર ધોરીમાર્ગ પર માંડવી તરફથી આવી રહી છે. મળેલ બાતમીના આધારે પોલીસ વોચ ગોઠવીને બેઠી હતી. આ દરમ્યાન બાતમી વાળી કાર આવતા તેને રોકાવી આ કારની તલાશી લેવામાં આવેલ હતી.  જાણવા મળી રહયું છે કે, આ કારની તલાશી લેતા તેમાંથી વિદેશી પ્રકારની શરાબની અલગ-અલગ બ્રાન્ડની બોટલ નંગ 504 જેની કિં.રૂા. 3,11,988નો દારૂનો જથ્થો નીકળી પડ્યો હતો. આરોપી શખ્સને આ માલ ક્યાથી મંગાવેલ હોવાનું પૂછતા તેને લાયજા ગામથી દેવરાજ ગોપાલ ગઢવી (રહે. મૂળ પાંચોટિયા)એ ક્રેટા કારમાં ભરી વવાર ગામના પાટિયા પાસે મૂકી પરત આવવા કહેલ હોવાનું સામે આવ્યું હતું. પોલીસે દારૂ સહિત કુલ રૂા. 11,63,988નો મુદ્દામાલ કબ્જે પકડાયેલ કરી આરોપી ધનરાજ તથા દેવરાજ વિરુદ્ધ ગુનો નોંધી આગળની વધુ કાયદેસરની કાર્યવાહી હાથ ધરી છે.