ભુજમાંથી ગંજીપાના વડે તીનપત્તીનો જુગાર રમતા છ મહિલા સહિત સાત પત્તાપ્રેમીઓ ઝડપાયા : ત્રણ ફરાર

ભુજમાંથી ગંજીપાના વડે તીનપત્તીનો જુગાર રમતા છ મહિલા સહિત સાત પત્તાપ્રેમીઓને પોલીસે ઝડપી પાડ્યા છે જ્યારે ત્રણ ખેલી નાસી છૂટવામાં સફળ રહ્યા હતા. આ મામલે સૂત્રો દ્વારા પ્રાપ્ત થતી વિગતો મુજબ ભુજ બી ડિવિઝન પોલીસને ખાનગી રાહે બાતમી મળેલ હતી કે ભુજના સુરલભિટ્ટ રોડના કોલીવાસના લખુરાઇ ફાટક પાસે ઇંટોના વાડા નજીક મકાનનાં આંગણામાં પૈસાની હારજીતનો જુગાર રમાઈ રહ્યો છે. મળેલ બાતમીના આધારે પોલીસે હકીકત વાળા સ્થળ પર દરોડો પાડી તપાસ હાથ ધરી છે. હાથ ધરવામાં આવેલ કાર્યવાહી દરમ્યાન રૂપિયાની હારજીતનો જુગાર રમતા છ મહિલા સહિત સાત શખ્સોને પોલીસે ઝડપી લીધા હતા જ્યારે વધુ ત્રણ ખેલીઓ નાસી છૂટવામાં સફળ રહ્યા હતા.  પોલીસે પકડાયેલ ખેલીઓ પાસેથી રોકડ સહીત તમામ મુદ્દામાલ કબ્જે કરી આરોપી શખ્સો વિરુદ્ધ જુગારધારાની કલમો હેઠળ ગુનો નોંધી આગળની વધુ કાયદેસરની કાર્યવાહી હાથ ધરી છે.