અંજારથી અંબાજી ગયેલી ખાનગી લક્ઝરી બસના બ્રેક ફેઇલ થતાં સર્જાયો ત્રિપલ અકસ્માત : બસ પલટી મારી જતાં 37 લોકો ઘાયલ : 9 ની હાલત ગંભીર

સૂત્રો દ્વારા જાણવા મળી રહ્યું છે કે, અંજારથી અંબાજી ગયેલી ખાનગી લક્ઝરી બસના બ્રેક ફેઇલ ગંભીર અકસ્માત સર્જાયો હતો જેમાં 37 જેટલા લોકો ઘાયલ થયા છે. જેમાં નવની હાલત વધુ ગંભીર હોવાનું સામે આવી રહ્યું છે.  આ બનાવ અંગે મળેલી વિગતો મુજબ અંજારના મિત્રી સમાજના એક પરિવારની કૌટુંબિક નિયાણીઓ અંબાજીની યાત્રા કરવા ખાનગી બસ દ્વારા ગઇ હતી અને દર્શન કરીને આજે સવારે આ બસ 28 પ્રવાસીને લઇ પરત આવી રહી હતી, તે દરમ્યાન બસના બ્રેક ફેઇલ થતાં બસ પલટી ગઇ હતી, જેમાં સવારોને મૂઢમાર અને ફ્રેકચર જેવી ઇજાઓ પહોંચી હતી. વધુમાં જાણવા મળી રહ્યું છે કે, બસના બ્રેક ફ્રેઇલ થતાં બસ ડ્રાઇવરે ઊંડી ખાઇના બદલે રોંગ સાઇડમાં નાખી દેતાં બસ પલટી હતી અને અન્ય બે ગાડી અલ્ટો અને બોલેરોને અડફેટે લેતાં ત્રિપલ અકસ્માત સર્જાયો હતો. અલ્ટો અને બોલેરોમાંના છ લોકો ઘાયલ થયા હતા.