સામખિયાળી – મોરબી ધોરીમાર્ગ પરથી શરાબ ભરેલ ગાડી સાથે બે ની ધરપકડ

 સામખિયાળી – મોરબી ધોરીમાર્ગ પરથી શરાબ ભરેલ ગાડી પોલીસે ઝડપી પાડી છે. આ મામલે સૂત્રોમાંથી પ્રાપ્ત થતી વિગતો મુજબ પોલીસની ટીમ ડ્યૂટી પર હતી તે દરમ્યાન તેમને ખાનગી રાહે બાતમી મળેલ હતી કે, સામખિયાળી – મોરબી ધોરીમાર્ગ પર પર દારૂ ભરેલી  ગાડી આવી રહી છે. મળેલ બાતમીના આધારે પોલીસે કાર્યવાહી હાથ ધરી અને હકીકત વાળા સ્થળ પર આ ગાડી આવતા તેને અટકાવી અને તેની તપાસ હાથ ધરવામાં આવેલ હતી. જાણવા મળી રહ્યું છે કે હાથ ધરવામાં આવેલ કાર્યવાહી દરમ્યાન આ ગાડીમાંથી રૂા. 3.17 લાખનો શરાબનો જથ્થો નીકળી પડ્યો હતો. પોલીસે આ કાર્યવાહી દરમ્યાન બે ઈશમોની અટક કરી છે. હાથ ધરવામાં આવેલ કાર્યવાહી દરમ્યાન દારૂ સહિત કુલ રૂા.13,37,232 નો મુદ્દામાલ  કબ્જે કરી આરોપી શખ્સોની અટક કરી આગળની વધુ કાયદેસરની કાર્યવાહી હાથ ધરવામાં આવી હોવાનું સામે આવ્યું છે.