ટુ- વ્હીલર(મોટર સાયકલ) માટે નવી સિરિઝ GJ-12- HG નું ભુજ આરટીઓ કચેરી દ્વારા ઓક્શન કરાશે

પ્રાદેશિક વાહન વ્યવહાર અધિકારીશ્રી, ભુજ કચ્છની કચેરી દ્વારા ટુ –વ્હીલર(મોટર સાયકલ)ની નવી સિરિઝ  GJ-12– HG માટે ગોલ્ડન અને સિલ્વર નંબર સહિત તમામ નંબરની નવી સિરિઝનું ઓક્શન કરવામાં આવનાર છે. ઓનલાઇન અરજી ૧૯/૦૭/૨૦૨૫, સમય સાંજે ૦૪.૦૦ કલાકે શરૂ થશે. ઓનલાઇન અરજી કરવાની છેલ્લી તારીખ ૨૧/૦૭/૨૦૨૫, સમય સાંજે ૦૪ કલાક સુધી રહેશે. ઇ-ઓક્શનની શરૂઆત તારીખ ૨૧/૦૭/૨૦૨૫, સમય સાંજે ૪ કલાક સુધી, ઇ-ઓક્શન સમાપ્ત તારીખ ૨૩/૦૭/૨૦૨૫, સમય સાંજે ૪ કલાક સુધી થશે. સુવર્ણ-ગોલ્ડન નંબર ફીના દર ટુ વ્હીલર (મોટર સાયકલ) માટે રૂ.૮૦૦૦ રહેશે. રજત-સિલ્વર નંબર ટુ વ્હીલર માટે ફીના રૂ.૩૫૦૦ રહેશે. આ નંબરો સિવાયના અન્ય નંબરો માટેનો ફીનો દર રૂ. ૨૦૦૦ રહેશે. વધુ વિગતો વેબસાઈટ https://vahan.parivahan.gov.in/fancy ઉપરથી મેળવી શકાશે તેમ પ્રાદેશિક વાહન વ્યવહાર અધિકારીશ્રી, ભુજ કચ્છ દ્વારા જણાવાયું છે.