ટપ્પર ડેમમાં પડી જવાથી મૂળ પશ્ચિમ બંગાળના યુવાનનું મોત

અંજાર ખાતે આવેલ ટપ્પર ડેમમાં પડી જવાથી મૂળ પશ્ચિમ બંગાળના 34 વર્ષીય યુવાનનું મોત થયું હોવાના અહેવાલ સામે આવ્યા છે. ત્યારે આ બનાવ અંગે પ્રાપ્ત થતી વિગતો મુજબ, ટપ્પર નજીક આવેલી મેઘા એન્જિનીયરિંગ કંપનીમાં પશ્ચિમ બંગાળથી કામ કરવા આવેલા માન્ટોસ નામના યુવાનનું મોત થયું હતું. હતભાગી તા. 16/3થી ગુમ થઈ ગયેલ હતો. ત્યાર બાદ ટપ્પર ડેમમાં તેની તરતી લાશ મળી આવતા ભચાઉ અગ્નિશમન દળને તેની જાણ કરવામાં આવતા દળના કર્મચારીઓએ આ યુવાનની લાશ બહાર કાઢી હતી. આ બનાવ અંગે પોલીસે નોંધ કરી આગળની વધુ તપાસ આરંભી છે.