દક્ષિણ આફ્રિકાના ગણરાજ્યના ઉપરાષ્ટ્રપતિ પોલ માશાતિલે સત્તાવાર મુલાકાતે ભારતીય પ્રવાસે

દક્ષિણ આફ્રિકાના ગણરાજ્યના ઉપરાષ્ટ્રપતિ પોલ માશાતિલે સત્તાવાર મુલાકાતે ભારતીય પ્રવાસે આવી પહોંચ્યા છે. દિલ્હીના ઈન્દિરા ગાંધી ઈન્ટરનેશનલ એરપોર્ટ પર તેમનું પરંપરાગત અને ઉષ્માભર્યું સ્વાગત કરાયું હતું. ભારત સરકારના વરિષ્ઠ રાજદ્વારીઓ અને અધિકારીઓએ એરપોર્ટ પર હાજર રહીને તેમની આગતાસ્વાગતા કરી હતી. આ ઉચ્ચ સ્તરીય મુલાકાતનો મુખ્ય ઉદ્દેશ્ય ભારત અને દક્ષિણ આફ્રિકા વચ્ચેના દ્વિપક્ષીય સંબંધોને વધુ મજબૂત બનાવવાનો છે. પોતાની આ મુલાકાત દરમિયાન ઉપરાષ્ટ્રપતિ માશાતિલે ભારતના ટોચના નેતાઓ સાથે વ્યાપાર, સંરક્ષણ, ટેકનોલોજી અને પરસ્પર સહયોગના વિવિધ વૈશ્વિક મુદ્દાઓ પર મહત્વપૂર્ણ બેઠકો યોજશે, જેનાથી બંને દેશોના રાજદ્વારી સંબંધોને નવી ગતિ મળશે.