વડાપ્રધાનશ્રી નરેન્દ્ર મોદીના જન્મદિવસ નિમિત્તે કચ્છ જિલ્લામાં રક્તદાન સહિત વિવિધ આરોગ્યલક્ષી સેવાકીય કાર્યક્રમો યોજાયા

 વડાપ્રધાનશ્રી નરેન્દ્ર મોદીના જન્મદિવસ નિમિત્તે કચ્છ જિલ્લામાં આરોગ્ય વિભાગ, વિવિધ આરોગ્ય સંસ્થાઓ, ઇન્ડિયન રેડ ક્રોસ સોસાયટી, બ્લડ સેન્ટરો, સેવાભાવી સંસ્થાઓ તથા દાતાશ્રીઓના સહયોગથી વિવિધ આરોગ્યલક્ષી અને સેવાકીય કાર્યક્રમોનું આયોજન કરવામાં આવ્યું હતું. જિલ્લાના વિવિધ સ્થળોએ યોજાયેલા રક્તદાન કેમ્પોમાં નાગરિકો અને યુવાનો દ્વારા ઉત્સાહપૂર્વક ભાગ લઈ કુલ 3૩૪ બોટલ રક્તદાન કરવામાં આવ્યું હતું.

        રક્તદાન એ માનવસેવાનું ઉત્તમ ઉદાહરણ છે. અકસ્માતો, પ્રસૂતિ, સર્જરી, થેલેસેમિયા સહિતની વિવિધ તબીબી પરિસ્થિતિમાં દર્દીઓને સમયસર રક્ત મળી રહે તે માટે સ્વૈચ્છિક રક્તદાનનું વિશેષ મહત્વ છે. વડાપ્રધાનશ્રીના જન્મદિવસ નિમિત્તે કચ્છ જિલ્લામાં યોજાયેલા આ રક્તદાન કાર્યક્રમો દ્વારા જનભાગીદારી અને સેવાભાવનો સુંદર સંદેશ આપવામાં આવ્યો હતો.

ભચાઉ CHC ખાતે રક્તદાન શિબિર

ભચાઉ CHC ખાતે રક્તદાન શિબિરનું આયોજન કરવામાં આવ્યું હતું. આરોગ્ય વિભાગના માર્ગદર્શન અને સંબંધિત સંસ્થાઓના સહયોગથી યોજાયેલી આ શિબિરમાં મોટી સંખ્યામાં રક્તદાતાઓ જોડાયા હતા. રક્તદાન સાથે લોકોને નિયમિત સ્વૈચ્છિક રક્તદાન અંગે જાગૃત કરવામાં આવ્યા હતા.

મુંદ્રા ખાતે ઇન્ડિયન રેડ ક્રોસ સોસાયટી દ્વારા રક્તદાન કેમ્પ

ઇન્ડિયન રેડ ક્રોસ સોસાયટી, કચ્છ જિલ્લા શાખા દ્વારા મુંદ્રા ખાતે રક્તદાન કેમ્પ યોજવામાં આવ્યો હતો. કેમ્પમાં નાગરિકોએ ઉત્સાહપૂર્વક ભાગ લઈ રક્તદાન કર્યું હતું. જરૂરિયાતમંદ દર્દીઓ માટે રક્તની ઉપલબ્ધતા જળવાઈ રહે તે હેતુથી આ સેવાકીય પ્રવૃત્તિનું આયોજન કરવામાં આવ્યું હતું.

રાપર ખાતે ધારાસભ્યશ્રી વિરેન્દ્રસિંહજીના હસ્તે રક્તદાતાઓનું સન્માન

રાપર SDH ખાતે યોજાયેલા કાર્યક્રમમાં રક્તદાતાઓનું વિશેષ સન્માન કરવામાં આવ્યું હતું. રાપરના ધારાસભ્યશ્રી વિરેન્દ્રસિંહજીના હસ્તે રક્તદાતાઓને ઈ-રક્તકોશ પ્રમાણપત્રો એનાયત કરવામાં આવ્યા હતા. રક્તદાતાઓને પ્રોત્સાહિત કરી તેમના સેવાભાવને બિરદાવવામાં આવ્યો હતો.

        આ પ્રસંગે સ્વૈચ્છિક રક્તદાનનું મહત્વ સમજાવી વધુમાં વધુ નાગરિકો રક્તદાન સાથે જોડાય તે માટે પ્રેરણા આપવામાં આવી હતી. રક્તદાતાઓને પ્રમાણપત્ર એનાયત કરીને તેમની માનવસેવાને પ્રોત્સાહન આપવામાં આવ્યું હતું.

ભીમાસર-અંજાર ખાતે રક્તદાતાઓને વિશેષ કીટનું વિતરણ

ભીમાસર, અંજાર ખાતે પુરવાંચલ લેમિનેટ્સના માલિકશ્રીના સહયોગથી રક્તદાતાઓને વિશેષ કીટનું વિતરણ કરવામાં આવ્યું હતું. દરેક રક્તદાતાને આપવામાં આવેલી કીટમાં લેપટોપ બેગ, ડ્રાયફ્રૂટ્સ, પલ્સ ઓક્સિમીટર, પેન, દૂધ અને ફળોનો સમાવેશ કરવામાં આવ્યો હતો.

        સેવાભાવી દાતાશ્રી દ્વારા કરવામાં આવેલી આ પહેલથી રક્તદાતાઓમાં ઉત્સાહ જોવા મળ્યો હતો. રક્તદાન કરનાર વ્યક્તિના સેવાભાવને બિરદાવવા સાથે સમાજમાં અન્ય લોકો પણ રક્તદાન માટે પ્રેરિત થાય તેવો પ્રયાસ કરવામાં આવ્યો હતો.

ભુજ ખાતે જીવન જ્યોત બ્લડ સેન્ટરનો સહયોગ

ભુજ ખાતે જીવન જ્યોત બ્લડ સેન્ટર દ્વારા પણ રક્તદાન તથા રક્તસંગ્રહ સંબંધિત કામગીરીમાં સહયોગ આપવામાં આવ્યો હતો. રક્તની પૂરતી ઉપલબ્ધતા જળવાઈ રહે અને જરૂરિયાતમંદ દર્દીઓને સમયસર રક્ત મળી રહે તે માટે બ્લડ સેન્ટરની કામગીરી મહત્વપૂર્ણ બની રહે છે.

334 બોટલ રક્તદાનથી સેવાભાવનો સંદેશ

        કચ્છ જિલ્લાના વિવિધ સ્થળોએ યોજાયેલા રક્તદાન કાર્યક્રમોમાં કુલ 334 બોટલ રક્તદાન કરવામાં આવ્યું હતું. આ રક્તદાન દ્વારા જરૂરિયાતમંદ દર્દીઓ માટે જીવનદાયી રક્તની ઉપલબ્ધતા વધારવામાં મહત્વપૂર્ણ યોગદાન મળ્યું છે.

        કચ્છ જિલ્લા આરોગ્ય તંત્ર દ્વારા રક્તદાતાઓ, આરોગ્યકર્મીઓ, ઇન્ડિયન રેડ ક્રોસ સોસાયટી, બ્લડ સેન્ટરો, સેવાભાવી સંસ્થાઓ તથા દાતાશ્રીઓનો આભાર વ્યક્ત કરવામાં આવ્યો હતો. સાથે જ સ્વસ્થ અને પાત્ર નાગરિકોને નિયમિત સ્વૈચ્છિક રક્તદાન કરવા માટે અપીલ કરવામાં આવી હતી.

        રક્તદાન માત્ર એક બોટલ રક્તનું દાન નથી, પરંતુ કોઈ જરૂરિયાતમંદ વ્યક્તિના જીવનને બચાવવાની માનવતાભરી સેવા છે. કચ્છ જિલ્લામાં યોજાયેલી આ સેવાકીય પ્રવૃત્તિઓએ જનભાગીદારી અને સેવાભાવનું ઉત્તમ ઉદાહરણ પૂરું પાડ્યું હતું.