નાંદોદ તાલુકાના ભદામ નજીક આઇસર ટેમ્પો અને બાઈક વચ્ચે અકસ્માત થતા એક યુવાન નું ઘટના સ્થળે જ મોત થયું હતું જ્યારે અન્ય બે ને ગંભીર ઇજાઓ થતા સારવાર માટે ખસેડયા હતા પ્રાપ્ત માહિતી અનુસાર નાંદોદ ના રૂંઢ ગામના 3 મિત્રો મો.સા.નં. જી.જે.22.ડી.1049 લઈ રૂંઢ થી રાજપીપળા ખાતે રહેતા એક મિત્ર ની બર્થડે પાર્ટી માં જવા નીકળ્યા હતા ત્યારે ભદામ નજીક પુરપાટ આવી રહેલો એક આઇસર ટેમ્પો નં.એમ.એચ.18.બીજી.0852 સાથે બાઈક અથડાતા ત્રણ મિત્રો પૈકી આકાશ વિજયભાઈ વસાવા નું ઘટના સ્થળેજ મોત થયું હતું જ્યારે અન્ય બે મિત્રો માં ભદ્રેશ જીતેન્દ્રભાઈ વસાવા(૧૮)તથા ગૌતમ ઉમેદભાઈ વસાવા(૧૮)ને ગંભીર ઇજા થતા તાત્કાલિક રાજપીપળા સિવિલ હોસ્પિટલ બાદ વધુ સારવાર માટે વડોદરા રીફર કરવામાં આવ્યા હતા.આ અકસ્માત માં મિત્રો ની બાઈક સ્થળ પર જ સળગી જતા ભડથું થઈ ગઇ હતી.
