નાના થાવરિયા ગામે બે મહિલાઓ સહિત નવ શખ્સો જુગાર રમતા પકડાયા

જામનગર તાલુકાના નાના થાવરિયા ગામે ફાચરીયા ગામના પાટિયા પાસે એક આસામીના કબજાની વાડીમાં ચાલતા જુગાર પર એલસીબીએ દરોડો પાડી બે મહિલા સહીત નવ સખ્સોને પકડી પાડ્યા છે. પોલીસે આરોપીઓના કબજામાંથી રૂપિયા 1.36 લાખની રોકડ અને વાહનો સહીત નવ લાખ ઉપરાંતનો મુદ્દામાલ કબજે કર્યો છે. જામનગર નજીકના કાલાવડ રોડ પર આવેલ નાના થાવરિયા ગામે ફાચરીયા ગામના પાટિયા પાસે વાડી ધરાવતો નવલસિંહ ભીખુભા જાડેજા રહે.રાંદલનગર રાંદલમાતાજીના મંદિર પાસે જામનગર વાળો સખ્સ બહારથી જુગાર રશીકો બોલાવી જુગાર રમાડતો હોવાની એલસીબીને ચોક્કસ બાતમી મળી હતી જેના આધારે એલસીબીની ટીમે દરોડો પાડ્યો હતો. આ દરોડા દરમિયાન જીજ્ઞેશભાઇ મનસુખભાઇ દેવમુરારી રામાનંદી સાધુ ઉ.વ.40 ધંધો ડ્રાઇવિંગ રહે. વિજયપુરગામ તા.જી.જામનગર, રમેશભાઇ બચુભાઇ કરંગીયા આહીર ઉ.વ.41 ધંધો મજુરી રહે.રણજીતસાગર રોડ પંચવટી સોસાયટી શરૂ શેનં-5 જામનગર, હરીશભાઇ જસમતભાઇ ભેસદડીયા પટેલ ઉ.વ.45 ધંધો મજુરી રહે.ગજાનન સોસાયટી ધ્રોલ જી.જામનગર મુળ ગામ બાણુગાર તા.જી.જામનગર, ખોડુભાઇ વિરજીભાઇ ગજેરા પટેલ ઉ.વ.32 ધંધો ખેતી રહે.વેરતીયાગામ તા.જી.જામનગર મુળગામ ધુતાપર તા.જી.જામનગર, રમેશભાઇ બચુભાઇ મારકણા પટેલ ઉ.વ.55 ધંધો ખેતી રહે.કાલાવડ ટાઉન ગીતામીલ પાસે ધોરાજીરોડ જી.જામનગર, પરજીતસિંહ ઉમેદસિંહ કંચવા ગીરા ઉ.વ.29 ધંધો ખેતી રહે.મીયમત્રાગામ તા.જી.જામનગર, કાજલબેન જયેશભાઇ વીક્રમભાઇ પરમાર આહીર ઉ.વ.38 ધંધો ધરકામ રહે. શાંતી હોટલ પાછળ લાલપુર બાયપાસ રોડ જામનગર અને સોનલબેન મહેન્દ્રભાઇ ભવાનભાઇ કાનાણી રહે.પુશ્કરધામ સોસાયટી રણજીતસાગર રોડ જામનગર વાળાઓને પકડી પાડ્યા હતા. પોલીસે તમામના કબજામાંથી રૂપિયા 1,36250 તથા રૂપિયા 8,00,000ની કીમતના ત્રણ વાહનો મળી કુલ કિં રુ 9,36,250ના મુદ્દામાલ સાથે પકડી પાડ્યા હતા. પોલીસે તમામની સામે જુગારધારા 4-5 મુજબ ફરિયાદ નોંધી આગળની કાર્યવાહી હાથ ધરી છે.