જૂનાગઢની વેટરનરી કોલેજના કર્મીઓની અચોક્કસ મુદ્દતની હડતાળ શરૂ

જૂનાગઢની કામધેનું યુનિવર્સિટીની વેટરનરી કોલેજના બિન શૈક્ષણિક કર્મીઓએ સાતમાં પગાર પંચ સહિતના પ્રશ્ને અચોક્કસ મુદ્દતની હડતાળ શરૂ કઋ દેવાઈ છે. આ વિશે ટી.ટી. પટેલે જણાવ્યું હતું કે, 1 એપ્રિલ 2021થી કૃષિ યુનિવર્સિટી હસ્તકની વેટરનરી કોલેજને કામધેનું યુનિર્વસિટી ગાંધીનગરના નિયંત્રણ હેઠળ મૂકાઈ છે.

જ્યારે 18 માસ થવા છત્તાં કર્મચારીઓના મહેકમના તબદીલી અને કર્મચારીઓના ઓપ્શન વિશે કોઇ ફેસલો લેવાયો નથી. જ્યારે રાજ્યની કૃષિ યુનિવર્સિટીમાં ફરજ બજાવતા બિન શૈક્ષણિક સંવર્ગના કર્મચારીઓને સાતમાં પગાર પંચ અન્વયે તફાવતની રકમ ચૂકવવામાં આવી છે.

પરંતુ વેટરનરી કોલેજ, ફિશરીઝ કોલેજ, ડેરી સાયન્સ કોલેજ, પશુપાલન પોલીટેક્નિકોમાં ફરજ બજાવતા કર્મચારીઓને સાતમાં પગાર પંચની તફાવતની રકમ ચૂકવવામાં આવી નથી. ત્યારે આ મામલે કલેકટર કચેરી, વેટરનરી કોલેજ, સી ડિવીઝન પોલીસમાં આવેદન આપી રજૂઆત કરવા સાથે 10 ઓકટોબરથી અચોક્કસ મુદ્દતની હડતાળ શરૂ કરવામાં આવી છે.