ભચાઉ ખાતે આવેલ સામખિયાળી માળિયા ધોરીમાર્ગ પર સુરજબારી પુલ નજીક આગળ જઇ રહેલી બાઇકીને પાછળથી આવતાં ટ્રેઇલરે હડફેટમાં 19 વર્ષીય પુત્રીનું પિતાની સામે જ કરૂણ મોત નીપજયું હતું. આ બનાવ અંગે મળેલ માહિતી અનુસાર ભચાઉના ઘરાણા ગામમાં રહેતા જગદીશ જોશી દ્વારા આ બનાવ અંગે પોલીસ મથકે ફરિયાદ નોંધાવવામાં આવેલ હતી. નોંધાવેલ ફરિયાદ અનુસાર ફરિયાદી અને તેમના દીકરી શક્તિ ગત તા. 24-11ના બપોરના અરસામાં બાઇક લઇને ઘરાણાથી ચોટીલા દર્શન અર્થે જઇ રહ્યાં હતાં. અને તેઓ બાઇક સુરજબારી પુલ પાસે પહોંચ્યા હતા ત્યારે પાછળથી આવતા ટ્રેઇલર નંબર જી.જે. 12-બી.એક્સ. 4033એ બાઇકને હડફેટમાં લેતા પિતા-પુત્રી નીચે ફંગોળાયા હતા અને શક્તિ નામની યુવતી ઉપરથી તોતિંગ વાહનના પૈડાં ફરી વળતા તેને ગંભીર ઇજાઓ પહોંચી હતી. ઇજાઓના પગલે તેને સારવાર માટે લઇ જવામાં આવેતા ફરજ પરના તબીબે તેને મૃત જાહેર કરી હતી.