અંકલેશ્વર નેશનલ હાઇવે પર બાઈક ચાલકને બચાવવા જતા ટેમ્પો પલટી મારી જતાં ટેમ્પો ચાલકને સામાન્ય ઇજા

અંકલેશ્વર નેશનલ હાઇવે પર બાઈક ચાલકને બચાવવા જતા ટેમ્પો પલટી મારી ગયો હતો જેમાં ટેમ્પો ચાલકને સામાન્ય ઇજા પહોંચી હતી. નવજીવન હોટલ પાસે રોડ બાજુમાં ચાલી રહેલા ખોદકામના લીધે અકસ્માત સર્જાયો હતો. નેશનલ હાઇવે નંબર 48 પર નવજીવન હોટલ નજીકથી પસાર થતા ટેમ્પો ચાલક સામે બાઈક ચાલક આવી ગયો હતો.બાઈક ચાલકને બચાવવા જતા ટેમ્પો રોડની સાઇડમાં ઉતરી ગયો હતો અને પલટી મારી ગયો હતો.આ બનાવની જાણ થતાની સાથે જ અન્ય વાહન ચાલકો દોડી આવ્યા હતા અને ટેમ્પો ચાલકને અંદરથી બહાર કાઢ્યો હતો. ટેમ્પો ચાલકને સામાન્ય ઇજા પહોંચી હતી.