માનનીય વડાપ્રધાને ગુજરાતની લગભગ 1100 કરોડ રૂ. નો ભુજ-નલિયા ગેજ રૂપાંતર પરિયોજના રાષ્ટ્રને સમર્પિત કરી

આ રેલ ઇન્ફ્રા પરિયોજનાએ રાષ્ટ્ર નિર્માણ પ્રક્રિયામાં બહુ મોટો ફાળો આપ્યો છે

કનેક્ટિવિટી, રોજગારની તકો, પ્રવાસન અને વેપારમાં સરળતા માટે અસંખ્ય તકો ખુલશે.

ભારતીય રેલવે એ દેશના બહુઆયામી વિકાસમાં બહુ મોટો ફાળો આપ્યો છે. માનનીય વડાપ્રધાન શ્રી નરેન્દ્ર મોદીએ 28 ઓક્ટોબર, 2024ના રોજ ગુજરાતના અમરેલી ખાતે લાઠીમાં,આયોજિત એક કાર્યક્રમમાં અંદાજે 1100 કરોડ રૂપિયા ના ખર્ચનો ભુજ-નલિયા ગેજ રૂપાંતર પ્રોજેક્ટ રાષ્ટ્રને સમર્પિત કર્યો હતો. આ ઈન્ફ્રાસ્ટ્રક્ચર પ્રોજેક્ટની વિગતો નીચે મુજબ છે.

ભુજ – નલિયા રેલ લાઇન ગેજ રૂપાંતર (101.40 કિમી):

મુખ્ય વિશેષતાઓ:

• પરિયોજનાનો ખર્ચઃ 1094.37 કરોડ રૂપિયા
• લંબાઈ: 101.40 કિમી
• મોટા પુલ : 24
• નાના પુલ : 254
• આરઓબી : 3
• આરયુબી : 30
• સ્ટેશનોની સંખ્યા : 11

ભુજ-નલિયા ગેજ રૂપાંતર પરિયોજના 1094.37 કરોડના રૂપિયા ખર્ચે પૂર્ણ થઈ છે.આ ખંડ માં 24 મોટા અને 254 નાના પુલો સાથે 3 રોડ ઓવર બ્રિજ અને 30 રોડ અન્ડર બ્રિજનો સમાવેશ થાય છે. આ ખંડની પૂર્ણાહુતિ સાથે, ભુજ-નલિયા મીટરગેજ લાઇનને ભારતીય રેલ ની યુનિ-ગેજ નીતિ હેઠળ બ્રોડગેજ લાઇનમાં રૂપાંતરિત કરવામાં આવી છે.

આ ખંડ ને કચ્છ જિલ્લાના દૂરના વિસ્તારોને બાકીના રેલ નેટવર્ક ની સાથે અવિરત બ્રોડગેજ રેલ કનેક્ટિવિટી પૂરી પાડી છે. ભુજ-નલિયા રેલવે લાઇને પોર્ટ કનેક્ટિવિટી ને પણ વધાર્યું છે અને કચ્છ જિલ્લામાં પોર્ટ ના રસ્તે નિકાસ/આયાતને પ્રોત્સાહન આપ્યું છે. આ ક્ષેત્ર માં સિમેન્ટ ઉદ્યોગોને પણ મોટો વેગ મળ્યો છે અને આને કારણે મીઠું, ખનિજો અને અન્ય કાચા માલના કાર્યક્ષમ પરિવહનની સુવિધા પણ મળી છે. આ વિકાસો થી રોજગારીની વધુ તકો ઉભી થશે , જેનાથી આ ક્ષેત્ર ની પ્રદેશની સામાજિક-આર્થિક પ્રગતિમાં સુધારો થશે