ગળપાદર ત્રણ રસ્તા ઓવરબ્રિજ પર ઉભેલા ડમ્પરમાં પાછળથી ટ્રેઇલર ભટકાતાં ચાલકનું મોત

ગાંધીધામ નજીક  ગળપાદર ત્રણ રસ્તા ઓવરબ્રિજ પર ઉભેલા ડમ્પરમાં પાછળથી ટ્રેઇલર ભટકાતાં 24 વર્ષીય ટ્રેઇલરના ચાલકનું મોત નીપજયું હતું. આ બનાવ અંગે પ્રાપ્ત થતી વિગતો મુજબ ગાંધીધામ નજીક ગળપાદર ત્રણ રસ્તા ઓવરબ્રિજ કચ્છ આર્કેડ સામે ગત તા. 22/10ના આ જીવલેણ અકસ્માત સર્જાયો હતો. મિનાક્ષી હેન્ડલીંગ એજન્સી કંપનીનું ટ્રેઇલર જઈ રહ્યું હતું. આ વાહન ઓવરબ્રિજ પર પહોંચ્યું હતું. તે દરમ્યાન ડમ્પર ચાલકે રીફ્લેક્ટર કે સિગ્નલ આપ્યા વગર પોતાનું વાહન પાર્ક કરી દીધું હતું જેમાં આ ટ્રેઇલર પાછળથી અથડાતાં તેના ચાલક મનુકુમારને ગંભીર ઇજાઓ પહોંચી હતી. જાણવા મળી રહ્યું છે કે, સર્જાયેલ અકસ્માતમાં ગંભીર ઇજાઓના પગલે ટ્રેઈલર ચાલકનું મોત નીપજયું હતું. આ બનાવ અંગે પોલીસ મથકે ફરિયાદ નોંધાવવામાં આવતા પોલીસે આ અંગે આગળની વધુ તપાસ આરંભી છે.