ગાંધીધામ ખાતે આવેલ મીઠી રોહર હાઇવે પર ટ્રકમાં થયો જોરદાર બ્લાસ્ટ : એકનું મોત એક ઘાયલ

ગાંધીધામ ખાતે આવેલ મીઠી રોહર ગામના હાઇવે પર આજે ટ્રકમાં જોરદાર બ્લાસ્ટ થવાની ઘટના સામે આવી રહી છે દર્શક મિત્રો! જાણો આ વિષે સૂત્રોનું કહેવું છે, આ ઘટનામાં ટેન્કર ચાલકનું ઘટનાસ્થળે જ કમકમાટી ભર્યું મોત નીપજયું છે, જ્યારે અન્ય એક વ્યક્તિ ગંભીર રૂપથી ઘાયલ થતા તેને તાત્કાલિક સારવાર અર્થે ખસેડાયો છે. આ બનાવ અંગે પ્રાપ્ત થતી વિગતો મુજબ મીઠી રોહર હાઇવે પર પાર્ક કરાયેલા ટેન્કર પર ચડી તેનું ઢાંકડું ખોલવા જતા જોરદાર બ્લાસ્ટ થયો હતો, જેમાં ટેન્કર ચાલકનું મોત નીપજયું છે, જ્યારે પાસે ઉભેલ અન્ય શખ્સ ઘાયલ બન્યો હતો. સૂત્રો જણાવી રહ્યા છે, સ્થાનિકે તપાસ કરવામાં આવતા ઘટના અલાઉદ્દીન વોરાના પ્લોટ નજીક આવેલા જીનામ પાર્કિંગ સામે બન્યો હતો, જેમાં ટેન્કરમાં ગેસ વેલ્ડીંગની કામગીરી દરમ્યાન વચ્ચેના ભાગે મોટા અવાજ સાથે ધડાકો થયો હતો, જેમાં ટેન્કર ચાલક અને કારીગર હવામાં ઉછળીને દૂર સુધી ફંગોળાયા હતા. આ બનાવ અંગે પોલીસે આગની વધુ તપાસ આરંભી છે.