ગાંધીધામના ગોપાલપુરીમાં ખરીદી કરવા ગયેલ શખ્સનો મોબાઈલ સેરવાઈ જતા ફરિયાદ નોંધાઈ

 ગાંધીધામ ખાતે આવેલ ગોપાલપુરીમાં ખરીદી કરવા ગયેલ કસ્ટમ કર્મચારીના મોબાઈલની ચોરી થતાં પોલીસ મથકે ફરિયાદ નોંધાવવામાં આવેલ છે. આ મામલે વધુમાં સૂત્રોમાંથી પ્રાપ્ત થતી વિગતો મુજબ ગોપાલપુરીમાં રહેતા અને કસ્ટમમાં નોકરી કરતા સુભાષ યોગેશચંદ જશોરિયા દ્વારા આ બનાવ અંગે પોલીસ મથકે ફરિયાદ નોંધાવવામાં આવેલ છે. નોંધાવેલ ફરિયાદ અનુસાર ગત તા. 24/3ના ફરિયાદી પોતાનાં બાળક માટે બિસ્કિટ લેવા શોપિંગ સેન્ટર ખાતે ગયેલ હતા. જ્યાથી પરત ફરતી વેળાએ પોતાનો રૂા. 25,000નો મોબાઈલ ગુમ જણાયો હતો.  આ ચોરી અંગે પોલીસે મથકે ફરિયાદ નોંધાવવામાં આવતા પોલીસે આગળની વધુ તપાસ આરંભી છે.