રાપરમાં વિસ્ફોટક પદાર્થ ફાટતાં યુવાન ઘાયલ

  રાપરમાં વિસ્ફોટક પદાર્થ ફાટતાં યુવાન ઘાયલ થયો હોવાનું સામે આવ્યું છે. આ બનાવ અંગે સૂત્રોનું કહેવું છે, ગત તા. 27/7ના રાપરમાં રહેનાર હરિ રાજા દેવીપૂજક નામનો યુવાન પોતાની ઘરે હતો તે સમયે ભંગારનો કોઇ વિસ્ફોટક પદાર્થ ફાટતાં આ યુવાન ગંભીર રીતે ઘાયલ થયો હતો. આ બનાવમાં ઘાયલ થયેલ યુવાનને સારવાર અર્થે રાજકોટ લઇ જવામાં આવેલ છે. ભંગાર વીણતા આ યુવાને ક્યાંકથી પથ્થર તોડવાનો ટોટો મેળવેલ અને બાદમાં તેને તોડવાની કોશિશ કરતાં આ વિસ્ફોટ થયેલ હોવાનું સામે આવ્યું છે.