ગાંધીધામના અંતરજાળમાંથી 17 હજારની રોકડ સાથે પાંચ પત્તાપ્રેમીઓ ઝડપાયા

 ગાંધીધામના અંતરજાળમાંથી 17 હજારની રોકડ સાથે પાંચ ખેલીઓને પોલીસે ઝડપી પાડ્યા છે. આ મામલે વધુમાં સૂત્રોમાંથી પ્રાપ્ત થતી વિગતો મુજબ અંતરજાળમાં બસ સ્ટેન્ડ કેબિનના આગળ જાહેરમાં અમુક ઈશમો રૂપિયાની હારજીતનો જુગાર રમી રહ્યા હતા, તે સમયે અચાનક ત્રાટકેલી પોલીસે અહીથી પાંચ ખેલીઓને રોકડ રૂા. 17,200 સાથે દબોચી લીધા હતા. પોલીસે પકડાયેલ ખેલીઓ પાસેથી રોકડ સહિતનો તમામ મુદ્દામાલ કબ્જે કરી તેમના વિરુદ્ધ જુગારધારાની કલમો હેઠળ ગુનો નોંધી આગળની વધુ કાયદેસરની કાર્યવાહી હાથ ધરી છે.