મુંદ્રાના મોટા કપાયામાંથી 10 હજારની રોકડ સાથે પાંચ ખેલીઓની અટક

મુંદ્રા ખાતે આવેલ મોટા કપાયામાંથી 10 હજારની રોકડ સાથે પાંચ ખેલીઓને પોલીસે દબોચી લીધા છે. ત્યારે પ્રાપ્ત થતી વિગતો અનુસાર મુંદ્રા ખાતે આવેલ મોટા કપાયામાં જનકપુરી ફળિયામાં રાતના સમયે લાઈટના અજવાળે અમુક ઈશમો ગંજીપાના વડે રૂપિયાની હારજીતનો જુગાર રમી રહ્યા હતા ત્યારે અચાનક ત્રાટકેલી પોલીસે અહીથી રોકડા રૂા. 10,790ના મુદ્દામાલ સાથે પાંચ શખ્સોને ઝડપી પાડ્યા હતા. પોલીસે પકડાયેલ ખેલીઓ પાસેથી તમામ મુદ્દામાલ કબ્જે કરી તેમના વિરુદ્ધ જુગારધારાની કલમો હેઠળ ગુનો નોંધી આગળની વધુ કાયદેસરની કાર્યવાહી હાથ ધરી છે.