ખાનાય ગામમાંથી ભારતીય બનાવટના વિદેશીદારૂનો કિં.રૂ. ૨.૬૪ લાખનો જથ્થો પકડી પાડી ગણનાપાત્ર કેશ શોધી કાઢતી લોકલ ક્રાઇમ બ્રાન્ય પશ્ચિમ કચ્છ ભુજ

શ્રી ચિરાગ કોરડીયા સાહેબ, પોલીસ મહાનિરીક્ષકશ્રી, સરહદી રેન્જ, ભુજ તથા શ્રી વિકાસ સુંડા સાહેબ પોલીસ અધિક્ષકશ્રી પશ્ચિમ કચ્છ-ભુજનાઓએ ભારતીય બનાવટના વિદેશી દારૂની પ્રવૃત્તિનો ગેરકાયદેસર રીતે જથ્થો મંગાવી વેચનારા ઇસમો ઉપર વોચ રાખી આવી પ્રવૃત્તિ અટકાવવા માટે સુચના આપેલ.

જે સુચના અન્વયે લોકલ ક્રાઇમ બ્રાન્ચ, પશ્ચિમ કચ્છ-ભુજના ઇન્ચાર્જ પોલીસ ઇન્સ્પેકટરશ્રી એચ.આર.જેઠી તથા પોલીસ સબ ઇન્સ્પેકટરશ્રી જે.બી.જાદવ નાઓએ પશ્ચિમ કચ્છ-ભુજ જિલ્લામાં ભારતીય બનાવટના વિદેશી દારૂની પ્રવૃત્તિનો ગેરકાયદેસર રીતે જથ્થો મંગાવી વેચનારા ઇસમો ઉપર વોચ રાખી કાયદેસર કાર્યવાહી કરવા સુચના આપેલ હોય જે સુચના અનુસંધાને એ.એસ.આઈ. વિકેશભાઇ રાઠવા તથા પોલીસ હેડ કોન્સ્ટેબલ નવીનભાઇ જોષી, શક્તિસિંહ ગઢવી, વિક્રમસિંહ ગોહિલ તથા પો.કોન્સ. અનિલભાઈ ખટાણાનાઓ અબડાસા તાલુકા વિસ્તારમાં પેટ્રોલીંગમાં હતાં તે દરમ્યાન વિકેશભાઇ રાઠવા તથા શક્તિસિંહ ગઢવીનાઓને ખાનગી રાહે બાતમી હકીકત મળેલ કે, રવિરાજસિંહ ઉર્ફે રવી કલુભા સોઢા તથા કાનુભા સતિદાનસિંહ સોઢા રહે.બંને સોઢા કેમ્પ ખાનાય તા. અબડાસા વાળાઓએ સાથે મળી રવિરાજસિંહ ઉર્ફે રવી કલુભા સોઢાના રહેણાક મકાનના આંગણામાં તેઓના કબ્જાની કાળા કલરની સ્કોર્પીયો ગાડીમાં ગે.કા. રીતે ભારતીય બનાવટનો વિદશી દારૂનો જથ્થો મંગાવી જે વેચાણ અર્થે રાખેલ છે. જે હકીકત આધારે તપાસ કરતા નીચેની વિગતે ભારતીય બનાવટનો વિદેશીદારૂનો જથ્થો મળી આવેલ જેથી કાયદેસરની કાર્યવાહી કરી નલિયા પોલીસ સ્ટેશનમાં ગુ.ર.નં. ૨૨૫/૨૦૨૫ ધી ગુજરાત પ્રોહીબીશન એક્ટની કલમ ૬૫(એ) (ઇ), ૮૧,૯૮(૨) મુજબ ગુનો રજીસ્ટર કરાવી તમામ મુદ્દામાલ નલિયા પોલીસ સ્ટેશન ખાતે સોપવામાં આવેલ.

કબ્જે કરેલ મુદ્દામાલ (કુલ્લે કિં.રૂ. ૧૨,૬૪,૯૬૦/-)

• ભારતીય બનાવટની અલગ-અલગ બ્રાન્ડની નાની મોટી બોટલો નંગ- ૫૬૪ કિં.રૂ.૨,૦૮,૮૦૦/-
• બીયરના ટીન નંગ-૩૧૨ કિં.રૂ. ૫૬૧૬૦/-

સ્કોર્પીયો ગાડી ર.જી.નં. GJ-12-DS- 5959 કિં.રૂ.૧૦,૦૦,૦૦૦

• હાજર નહી મળી આવેલ આરોપીઓ:
• રવિરાજસિંહ ઉર્ફે રવિ કલુભા સોઢા રહે. સોઢા કેમ્પ ખાનાય તા.અબડાસા

કાનુભા સતિદાનસિંહ સોઢા રહે. સોઢા કેમ્પ ખાનાય તા.અબડાસા