ભચાઉમાંથી 17 હજારની રોકડ સાથે ત્રણ ખેલીઓ ઝડપાયા : એક ફરાર

ભચાઉમાં જાહેરમાં રૂપિયાની રમત કરનાર ત્રણ શખ્સોને પોલીસે 17 હજારની રોકડ સાથે રંગે હાથ ઝડપી પાડ્યા હતા, જ્યારે એક નાસી છૂટવામાં સફળ રહ્યો હતો. આ મામલે પ્રાપ્ત થતી વિગતો મુજબ, ભચાઉના મણીનગર વિસ્તારમાં આજે બપોરના અરસામાં અમુક શખ્સો જાહેરમાં ધાણીપાસા  વડે રૂપિયાની હારજીતનો જુગાર રમી રહ્યા હતા તે સમયે અચાનક ત્રાટકેલી પોલીસે અહીથી ત્રણ ખેલીઓની અટક કરી હતી. હાથ ધરવામાં આવેલ કાર્યવાહી દરમ્યાન એક શખ્સ નાસી છૂટવામાં સફળ રહ્યો હતો. પોલીસે પકડાયેલ શખ્સો પાસેથી રૂ.17,100 ની રોકડ સહિત તમામ મુદ્દામાલ કબ્જે કરી તેના વિરુદ્ધ જુગારધારાની કલમો હેઠળ ગુનો નોંધી આગળની વધુ કાયદેસરની કાર્યવાહી હાથ ધરી છે.