નખત્રાણાના મોટા વાલ્કા ગામમાંથી દેશી બનાવટની બંદૂક રાખનાર એક ઇસમને ઝડપી પાડતી SOG પશ્ચિમ કચ્છ-ભુજ

અધિક પોલીસ મહાનિદેશકશ્રી, એ.ટી.એસ. (ગુ.રા) અમદાવાદનાઓ દ્વારા ગેરકાયદેસર અગ્નિશસ્ત્રોની પ્રવૃતિ અટકાવવા માટે અસરકારક અને પરિણામલક્ષી કામગીરી કરવા સુચના આપવામાં આવેલ હોઇ જે અન્વયે શ્રી ચિરાગ કોરડીયા, પોલીસ મહાનિરીક્ષકશ્રી, સરહદી રેન્જ. ભુજ તથા શ્રી વિકાસ સુંડા, પોલીસ અધિક્ષકશ્રી, પશ્ચિમ કચ્છ- ભુજનાઓએ ગેરકાયદેસર અગ્નિશસ્ત્રો શોધી આ પ્રકારની ગેરકાયદેસર પ્રવૃતિમાં સંડોવાયેલ ઇસમો વિરૂધ્ધ કડક કાયદાકીય કાર્યવાહી કરવા સુચના આપેલ હોઇ જે અન્વયે એસ.ઓ.જી.ના પો.ઇન્સ.શ્રી એ.ડી.પરમાર તથા પો.ઇન્સ. શ્રી પી.સી.શીંગ રખીયાનાઓએ તાબાના અધિકારીઓ/કર્મચારીઓને સુચના આપેલ હોઇ, જે અન્વયે એસ.ઓ.જી. સ્ટાફના કર્મચારીઓ પ્રયત્નશીલ હતા,

દરમ્યાન ગઈકાલ તા.૧૫/૦૧/૨૦૨૬ના રોજ એસ.ઓ.જી.

ના કર્મચારીઓ પેટ્રોલીંગમાં હતા, દરમ્યાન એ.એસ.આઇ. દશરથભાઈ ચાવડા તથા પો.કોન્સ. વનરાજસિંહ જાડેજાનાઓને સંયુક્ત રીતે મળેલ ખાનગી રાહે સચોટ બાતમી અન્વયે જરૂરી વર્કઆઉટ કરી નખત્રાણા તાલુકાના મોટા વાલ્કા ગામની પશ્ચિમ સીમમાં આવેલ પવનચક્કી વાળા કાચા રસ્તેથી આરોપી હુસેન આમદ સુમરા, ઉવ.૨૫, રહે. ગામ. મોટા વાલ્કા, તા.નખત્રાણાવાળાને

પાસ-પરમીટ કે માન્ય આધાર-પુરાવા વિના ગેરકાયદેસર રીતે રાખેલ એક દેશી બનાવટની બંદુક (અગ્નિશસ્ત્ર) કિ.રૂ.૨,૦૦૦/- સાથે ઝડપી પાડી ઉપરોક્ત મજકુર ઇસમ વિરૂધ્ધ નખત્રાણા પોલીસ સ્ટેશન ખાતે આર્મ્સ એક્ટ તથા જાહેરનામા ભંગ હેઠળ કાયદેસરની કાર્યવાહી કરવામાં આવેલ છે.

પકડાયેલ આરોપીની વિગત-

હુસેન આમદ સુમરા, ઉવ.૨૫, રહે. ગામ. મોટા વાલ્કા, તા.નખત્રાણા

પકડાયેલ મદામાલની વિગત-

(૧) દેશી બનાવટની બંદુક (અગ્નિશસ્ત્ર) નંગ ૦૧, કિ.રૂ. ૨,૦૦૦/-

કુલ કિં.રૂ. ૨,૦૦૦/-

કામગીરી કરનાર અધિકારીશ્રી તથા કર્મચારીઓ-

એસ.ઓ.જી. પોલીસ ઇન્સ્પેકટરશ્રી એ.ડી.પરમાર સાહેબ, પો.ઇન્સ.શ્રી પી.સી.શીંગરખીયા સાહેબ તથા એ.એસ.આઇ, દશરથભાઈ ચાવડા, રજાકભાઈ સોતા, પો.કોન્સ. વનરાજસિંહ જાડેજા તથા પો.હે.કો.ડ્રા. મહીપતસિંહ સોલંકી નાઓએ સદર કામગીરી કરેલ છે.