ભચાઉમાં કિશોરીનું અપહરણ કરી બળાત્કાર કરનાર વિરુદ્ધ ગુનો દાખલ

ગાંધીધામના ભચાઉમાં 14 વર્ષીય એક કિશોરીને ગાડીમાં લઈ જઈ તેનું અપહરણ કરી તેના ઉપર બળાત્કાર અંગે એક શખ્સ વિરુદ્ધ ગુનો નોંધાયો હતો. આ બનાવ અંગે સૂત્રોમથી પ્રાપ્ત થતી વિગતો અનુસાર લાયન્સનગરમાં રહેનાર આરોપી ભાવેશ ચમનલાલ ઠક્કર નામના શખ્સે કિશોરીનું અપહરણ કર્યું હતું. શાળાએ અભ્યાસ કરનાર 14 વર્ષીય કિશોરી સાથે ગત.તા 18/1ના સવારના અરસામાં બોલેરો ગાડી નંબર જીજે-39-ટી-7918માં અપહરણ કરી ગાડીમાં તેની સાથે આ બદકામ કર્યું. બનાવથી કિશોરી ડરી ગઈ હતી. બાદમાં તેણે આપવીતી વર્ણવતાં આરોપી સામે ગુનો નોંધાવ્યો હતો જેના પગલે પોલીસે તેને પકડી પાડયો હતો.