ભારતીય સંરક્ષણ મંત્રાલયે વાયુસેના માટે 1000 કિલોગ્રામ વજનના અત્યાધુનિક એરિયલ બોમ્બના નિર્માણ
copy image
ભારતીય સંરક્ષણ મંત્રાલયે વાયુસેના માટે 1000 કિલોગ્રામ વજનના અત્યાધુનિક એરિયલ બોમ્બના નિર્માણ માટે સ્વદેશી ડિઝાઇન અને વિકાસ પ્રક્રિયાને વેગ આપ્યો છે. સૂત્રો દ્વારા મળતી માહિતી અનુસાર આ પ્રોજેક્ટનો મુખ્ય ઉદ્દેશ સંરક્ષણ ક્ષેત્રે વિદેશી નિર્ભરતા ઘટાડવાનો અને `મેક ઇન ઇન્ડિયા’ અભિયાનને વધારે મજબૂત કરવાનો છે. આ બોમ્બ સંપૂર્ણપણે ભારતમાં જ ડિઝાઇન અને ડેવલપ કરવામાં આવશે, જે ભારતીય વાયુસેનાના યુદ્ધવિમાનોની પ્રહાર ક્ષમતામાં મોટો વધારો કરશે. આ નવો સ્વદેશી બોમ્બ અમેરિકાના પ્રખ્યાત `માર્ક-84′ બોમ્બની સમકક્ષ માનવામાં આવે છે. ` ભારત દ્વારા તૈયાર કરવામાં આવી રહેલો આ 1000 કિલોનો બોમ્બ દુશ્મનના મોટા ટાર્ગેટ અને વ્યૂહત્મક સ્થળોને ક્ષણભરમાં નષ્ટ કરવાની શક્તિ ધરાવશે. સંરક્ષણ મંત્રાલયે આ સ્વદેશી બોમ્બો માટે એક્સપ્રેશન ઓફ ઈન્ટરેસ્ટ જાહેર કર્યું છે. જે મુજબ 600 એવા 1000 કિલોના હવાઈ બોમ્બ બનાવવામાં આવશે અને ખરીદાશે . તેની સાથે ટેલ યુનિટ અને બીજા જરૂરી ઉપકરણ પણ સામેલ હશે. આ સંપૂર્ણ પ્રોજેક્ટ ભારતમાં જ તૈયાર થશે . જેનાથી ભારતની કંપનીઓ આગળ વધશે અને દેશની રક્ષા વ્યવસ્થા મજૂબત થશે, આ એક અહેવાલ દ્વારા જાણવા મળ્યું છે. આ નવા હવાઈ બોમ્બ ઓટોમેટિક ટુકડામાં વહેંચાઈને ફેલાઈ જશે. આ ઉચ્ચ કેલિબરના હથિયાર છે, જે ખૂબ જ ઝડપી વિસ્ફોટ કરે છે.
