“પાડોશી પર ધડાકા થતા હતા…” પીએમ મોદીએ ઓસ્ટ્રેલિયામાં યાદ કરાવ્યું ‘ઓપરેશન સિંદૂર’
વડાપ્રધાન નરેન્દ્ર મોદી આ દિવસોમાં ત્રણ દિવસીય ઓસ્ટ્રેલિયા પ્રવાસે છે.મળતી માહિતી મુજબ આ દરમિયાન તેમણે ગુરુવારે મેલબોર્નમાં ભારતીય સમુદાયને સંબોધિત કર્યો. આ મેગા શોમાં 30 હજાર ભારતીયોની વચ્ચે ઓસ્ટ્રેલિયાના પીએમ એન્થની અલ્બેનિઝ પણ હાજર રહ્યા. આખું સ્ટેડિયમ ‘મોદી-મોદી’ના નારાઓથી ગુંજી ઉઠ્યું. મેલબોર્નમાં ઓસ્ટ્રેલિયાના પીએમ એન્થની અલ્બેનિઝે પીએમ મોદીનું જોરદાર સ્વાગત કર્યું. તેમણે પીએમ મોદીને ઓસ્ટ્રેલિયાના સાચા મિત્ર ગણાવ્યા. અલ્બેનિઝે કહ્યું- ‘આ બે મોટા લોકશાહી દેશોની મિત્રતાની ઉજવણી છે.’ પીએમ મોદીએ પોતાના સંબોધન દરમિયાન જોરદાર સ્વાગત માટે ઓસ્ટ્રેલિયાના વડાપ્રધાનનો આભાર માન્યો. તેમણે કહ્યું , મારા મિત્ર પીએમ અલ્બેનિઝનો આભારી છું. મેલબોર્ને મારું શાનદાર સ્વાગત કર્યું. મને મેલબોર્નવાસીઓને મળવાની ઇચ્છા હતી. મેલબોર્ને મેદાન મારી લીધું છે. આ શો હાઉસફુલ છે. અમદાવાદ જ્યાં દુનિયાનું સૌથી મોટું ક્રિકેટ ગ્રાઉન્ડ છે અને મેલબોર્ન જ્યાં આઇકોનિક સ્ટેડિયમ છે, આપણે બંને જગ્યાએ સાથે રહ્યા છીએ. આપણે બધાએ જોયું છે, વડાપ્રધાન અલ્બેનિઝ જ્યારે બોલે છે ત્યારે ભારતીયોના દિલ અને મગજ પર છવાઈ જાય છે. સિડનીમાં પણ તમે ધૂમ મચાવી હતી અને અહીં પણ તમે છવાઈ ગયા.ભારતીય વડાપ્રધાને આ દરમિયાન ‘ઓપરેશન સિંદૂર’નો પણ ઉલ્લેખ કર્યો હતો. તેમણે જણાવ્યું કે , ઓપરેશન સિંદૂર દરમિયાન ડેમો તો જોઈ જ લીધો હશે, ધડાકા પાડોશીઓ પર થઈ રહ્યા હતા અને તેનો પડઘો આખી દુનિયામાં સંભળાઈ રહ્યો હતો. આતંકી કેમ્પ પરના આ જોરદાર પ્રહારથી તમને ગર્વ થયો કે નહીં? સાથીઓ, ભારત આટલા પર જ અટકવા નથી માંગતું. ભારત કહી રહ્યું છે ગ્રો મોર એટલા માટે આજે જીપથી લઈને શીપ સુધી મેન્યુફેક્ચરિંગની ભારતમાં એક નવી ઈકો સિસ્ટમ ડેવલપ કરવામાં આવી રહી છે.તેમણે કહ્યું કે આ મેલબોર્ન શહેર એક જ દિવસમાં ચાર સીઝનના દર્શન કરાવી દે છે, પરંતુ ભારતીય સમુદાયે પોતાના કલ્ચરલ કલરથી તેને વધુ વાઇબ્રન્ટ બનાવી દીધું છે. અહીં મેલબોર્નમાં અને આસપાસ ઘણા એવા સ્થળો છે, માર્કેટ છે જે ભારતીયતાના રંગથી ભરેલા છે. કોઈ તેને લિટલ ઇન્ડિયા કહે છે, કોઈ મિની ઇન્ડિયા કહે છે… નામ કોઈ પણ હોય પરંતુ રંગ ભારતીયતાથી ભરેલા છે.’આપણને ભારતીયોને પ્રેમ ફેલાવવો પસંદ છે. તમારા ઘરોમાં ઓસ્ટ્રેલિયન દૂધ હોઈ શકે છે, પરંતુ તેનાથી બનેલી ચા ઇન્ડિયન હોય છે. દાળ ઓસ્ટ્રેલિયાની છે પરંતુ તેમાં તડકો દેશી મસાલાનો લાગે છે, તમે ભારતના Gen Zના ભજન ક્લબિંગ ટ્રેન્ડ વિશે સાંભળ્યું જ હશે અને ઓસ્ટ્રેલિયામાં તમારા વીકેન્ડ પણ આધ્યાત્મિક પ્રવૃત્તિઓથી ભરેલા હોય છે.
