ભુજ શહેરમાં સાંજના સમયે ગણેશનગર નજીક એક મકાનમાં ભયંકર આગ ફાટી નિકળી હતી. ફાયર બ્રિગેડની ટીમને જાણ થતાં ગણેશનગરથી સંસ્કારનગર તરફ જતાં રોડ પર આવેલા મકાનમાં આગ બુઝાવવાની કામગીરી શરૂ કરી હતી.સાંજે ૭.૩૦ વાગ્યાના અરસામાં ગણપતભાઈ ઘેલાભાઈ પટ્ટણીના મકાનમાં આગ લાગી હતી. આગના કારણે મકાનમાં રહેલ પતંગ, દોરા, પૂંઠા વગેરે જેવી સામગ્રી બળીને ખાખ થઈ ગઈ છે. એક કલાકની જહેમત બાદ ફાયર બ્રિગેડની ટીમે આગ પર કાબુ મેળવ્યો હતો. ફાયર બ્રિગેડની ટીમમાં સુનીલ મકવાણા, પ્રદિપ ચાવડા, જય ભાટી, પિયુષ સોલંકી વગેરે જોડાયા હતા.
