મોટા કપાયામાં ગળેફાંસો ખાઇ યુવાનની અકળ આત્મહત્યા

ભુજ, તા. 27 : મુંદરા તાલુકાના મોટા કપાયા ગામે 35 વર્ષની વયના અશોક કરસન ધેડાએ કોઇ અગમ્ય કારણોસર ગળેફાંસો ખાઇને મોત વહાલું કરી લીધું હતું. પોલીસ સૂત્રોએ આપેલી માહિતી અનુસાર મરનારા અશોક ધેડા આજે તેના ઘરમાંથી દુપટ્ટા વડે ફાંસો ખાધેલો લટકતો મળી આવ્યો હતો. આ પછી તેને હોસ્પિટલે ખસેડાયો ત્યારે ત્યાં તેને મૃત ઘોષિત કરાયો હતો. આ હતભાગીએ કયા કારણે આ પગલું ભર્યું તે હજુ સ્પષ્ટ થયું નથી. મુંદરા પોલીસે અકસ્માત મોતનો ગુનો દાખલ કરી આ સબંધી તપાસ હાથ ધરી છે.’