પોલીસ મહાનિરીક્ષકશ્રી ડી.બી.વાધેલા સરહદી રેન્જ ભુજ અને પોલીસ અધિક્ષકશ્રી સૌરભ તોલંબીયા પશ્ચિમ કચ્છની સુચના હેઠળ એલ.સી.બી., ભુજના ઇન્ચાર્જ પોલીસ ઇન્સ્પેક્ટર એમ.બી.ઔસુરાના માર્ગદર્શન મુજબ એલ.સી.બી. સ્ટાફના કર્મચારીઓ દારૂ-જુગારની બદી ડામવા માંડવી પો.સ્ટે. વિસ્તારમાં પેટ્રોલીંગમાં હતા ત્યારે પેટ્રોલીંગમાં દરમ્યાન ખાનગી બાતમી મળેલ કે, એક ઇસમ સાંજી પડીમા કૈલાશ સ્ટોર પાસે રોડની બાજુમાં જાહેરમાં વરલી મટકાનો આંકડો લઇ જુગાર રમાડે છે. જેથી હકીકતના આધારે રેડ કરતા કમલેશગર કાશીગર ગુસાઇ, ઉ.વ.૫૨, રહે. શીવાજીનગર, માંડવી કચ્છ વાળો જાહેરમાં મીલન બજારનો વરલી મટકાનો જુગાર રમાડતા રોકડા રૂા.૧૬,૧૬૦/- તથા આંકડાનો સાહિત્ય સાથે આરોપીને પકડી પાડી તેની વિરૂધ્ધ માંડવી પો.સ્ટે. ખાતે જુગારધારા હેઠળ ફરીયાદ દાખલ કરાવેલ છે.
