`યુનો બિનજરૂરી હસ્તક્ષેપ ન કરે’
સંયુક્ત રાષ્ટ્ર માનવાધિકાર આયોગ દ્વારા દિલ્હીમાં ચાલી રહેલા આંદોલન ઉપર ચિંતા વ્યક્ત કરાઇ હતી. હવે જિનેવામાં રહેલા ભારતીય મિશન દ્વારા ચિંતા ઉપર જવાબ આપવામાં આવ્યો છે. સરકાર તરફથી કહેવામાં જણાવાયું છે કે, માનવાધિકાર આયોગની ચિંતા પુરી રીતે પાયાવિહોણી છે. ભારતના આંતરિક મામલામાં કોઈપણ મતલબ વિના હસ્તક્ષેપ છે. વધુમાં ભારતીય મિશને સંયુક્ત રાષ્ટ્રને અરીસો બતાવતા જણાવ્યું હતું કે કોઈપણ ભેદભાવ વિના પોતાની જવાબદારીને ધ્યાને રાખીને માનવાધિકાર આયોગે બીજી જગ્યાએ થઈ રહેલા પ્રદર્શનો ઉપર ધ્યાન આપવું જોઈએ. જિનેવામાં ભારતીય મિશને યુએન માનવાધિકાર આયોગ તરફથી જાહેર નિવેદનનો જવાબ આપતા જણાવ્યું હતું કે યુનોની ચિંતા નકામી છે. ભારત દુનિયાનું સૌથી મોટું લોકતંત્ર છે, જ્યાં બંધારણમાં શાંતિપૂર્ણ રીતે એકત્રિત થવાના અધિકારની ગેરન્ટી આપવામાં આવી છે. મજબૂત સંસ્થાઓ, સ્વતંત્ર ન્યાયપાલિકા અને આઝાદ મીડિયા તેની રક્ષા કરે છે. દરેક લોકતંત્રની જેમ ભારતીય નાગરિક પણ જાહેર વ્યવસ્થા જાળવી રાખવા માટે જરૂરી પ્રતિબંધોના દાયરામાં રહીને પોતાના અધિકારનો ઉપયોગ કરી શકે છે. પોતાની વાત આગળ વધારતા મિશન તરફથીકહેવાયુ હતું કે અધિકારી પુરા સંયમ સાથે જાહેર વ્યવસ્થા જાળવી રાખવાનું કામ કરે છે. બાકી કોઈપણ ફરિયાદના સમાધાન માટે અદાલત છે. આ ઉપરાંત ભાર મુકીને કહેવામાં આવ્યું હતું કે, આયોગની ચિંતા નકામી છે. આયોગે બીજી જગ્યાએ થઈ રહેલા વિરોધ પ્રદર્શનો ઉપર પણ યોગ્ય રીતે ધ્યાન આપવું જોઈએ.
