નખત્રાણા પાસે ગાયોના ધણ ઉપર વીજ વાયર પડતાં વીજ શોકથી ત્રણ ગૌવંશના મોતઃ પીજીવીસીએલ સામે પોલીસ ફરિયાદ

નખત્રાણાના દેવપર યક્ષથી સુખસાણ જતા રસ્તા ઉપર ગાયોના ધણ ઉપર જીવતો વિજવાયર પડ્યો હતો. પોતાની ૪૦ જેટલી ગાયોને ચરાવવા લઈ જઈ રહેલા વેલજી દેવરા રબારીએ જણાવ્યું હતું કે, ગાયો ચરતા ચરતા આગળ વધી રહી હતી ત્યારે એકાએક જર્જરિત વિજવાયર તેમની ઉપર પડ્યો હતો. જેને કારણે વીજ શોક લાગતાં ગાયો ભાંભરવા લાગી હતી. વીજ વાયરની લપેટમાં આવી ગયેલા ત્રણ ગૌવંશના અરેરાટીભર્યા મોત નિપજયા હતા. જોકે, માલધારી વેલજીભાઈની સમયસુચકતાને કારણે અન્ય ૩૫ જેટલી ગાયો બચી ગઈ હતી. આ સંદર્ભે નખત્રાણા પોલીસમાં પીજીવીસીએલ સામે પોલીસ ફરિયાદ કરાઈ છે