કંડલા એરપોર્ટ વરસામેડી ચાર રસ્તા પાસેથી પેટ્રોલીંગ દરમીયાન બાતમીના આધારે આદિપુર પોલીસે એક શખસને દેશી તમંચા, બે જીવતા કારતૂસ સાથે પકડી તેના વિરૂધ્ધ ગુનો નોંધી કાયદેસર કાર્યવાહી કરી હતી.પીએસઆઇ એન.કે.ચૌધરીએ વિગતો આપતાં જણાવ્યું હતું કે, આદિપુર પોલીસ પેટ્રોલિંગમાં હતી તે દરમીયાન ખાનગી રાહે મળેલી બાતમીના આધારે એરપોર્ટ ચાર રસ્તા પાસેથી મુળ ભચાઉના શિકરાનો હાલે વરસામેડીના અંબિકાનગરમાં રહેતા 26 વર્ષીય વિજયભારથી રામભારથી ગોસ્વામીને રૂ.3,000 ની કિંમતના દેશી બનાવટના દેશી તમંચા, રૂ.200 ની કિંમતના બે જીવતા કારતૂસ , છરી સાથે પકડી લીધો હતો તેના પાસેથી રૂ.3 હજારનો મોબાઇલ અને રૂ.1320 રોકડ સહિત કુલ રૂ. 7,520 નો મુદ્દામાલ કબજે કરી તેના વિરુધ્ધ ગુનો નોંધી કાયદેસર કાર્યવાહી કરી હતી. આ કામગીરીમાં પીએસઆઇ સાથે હેડકોન્સટેબલ રાજેન્દ્રસિંહ ઝાલા, મયુરગીરી ગોસ્વામી, હાજાભાઇ ખટારીયા, કોન્સટેબલ મોતીભાઇ દેસાઇ અને માલદે વાળા જોડાયા હતા.
