ક્રિકેટર હરભજન સિંહ સાથે ઠગાઇ, ચેન્નાઇના ઉદ્યોગપતિએ ચાર કરોડ રૂપિયાનો ચૂનો ચોપડ્યો

.(નવી દિલ્હી) પૂર્વ ભારતીય ઓફ સ્પિનર ​​હરભજન સિંહ ઠગાઈનો બન્યો શિકાર. હરભજન સાથે 1-બે લાખ રૂપિયાની રકમ સાથે નહીં, પણ પુરા 4 કરોડ રૂપિયાની ઠગાઇ  કરવામાં આવી છે. આ માટે હરભજને ચેન્નઈના ઉદ્યોગપતિ વિરુદ્ધ ત્યાંની સિટી પોલીસમાં ફરિયાદ કરી છે. જોકે, ઉદ્યોગપતિએ આગોતરા જામીન માટે મદ્રાસ હાઇકોર્ટમાં આશરો લીધો છે.ભજ્જી તરીકે જાણીતા હરભજનનો આરોપ છે કે તે મહેશ પાસેથી સતત પૈસા પાછા માંગતો હતો, પરંતુ તે દરેક વખતે થોડો થોડો સમય માંગતો હતો.વારંવાર માંગણી બાદ ગયા મહિને મહેશે હરભજનને 25 લાખ રૂપિયાનો ચેક આપ્યો હતો. હરભજનને ચેક બેંકમાં જમા કરાવ્યા બાદ મહેશના ખાતામાં પૂરતા પૈસા ન હોવાથી બાઉન્સ થયો. આ પછી હરભજન ચેન્નાઈ ગયો અને તમિલનાડુ પોલીસનો સંપર્ક કર્યો અને ઔપચારિક રીતે તેની ફરિયાદ રજૂ કરી. હાલમાં આ ફરિયાદ પર કેસ દાખલ થયો નથી, પરંતુ તપાસની જવાબદારી એસીપી વિશ્વાસ્વરૈયાને સોંપવામાં આવી છે, જેમણે મહેશને પૂછપરછ માટે સમન્સ મોકલ્યું છે. બીજી તરફ સમન્સ મળ્યા બાદ મહેશે ધરપકડ ટાળવા માટે મદ્રાસ હાઇકોર્ટનો આશરો લીધો છે. મહેશે સોગંદનામામાં હરભજન પાસેથી લોન તરીકે પૈસા લેવાની સંમતિ આપી છે, પરંતુ એમ પણ કહ્યું છે કે તેણે તમામ પૈસા ચૂકવી દીધા છે. આ આધારે મહેશે અટક ટાળવા માટે મદ્રાસ હાઇકોર્ટને આગોતરા જામીન આપવા વિનંતી કરી છે.