રસકસની દુકાનની ચોરીનો ભેદ ઉકેલી કઢાયો, 3 ઝડપાયા

ભુજના એરપોર્ટ રોડ આશાપુરાનગરમાં ગત 12મીની રાત્રે રસકસની દુકાનમાંથી ચોરી કરનારા 3 શખ્સોને એ ડિવિઝન પોલીસે બાતમીના આધારે મુદામાલ સાથે પકડી ચોરીનો ભેદ ઉકેલી કાઢયો છે.

મળતી માહિતી અનુસાર આશાપુરાનગર ખાતે રહેતા દિપકભાઇ જાદવજીભાઇ ભાનુશાલીની શ્રધ્ધા પ્રોવિઝન સ્ટોર નામની દુકાનનું છાપરૂ તોડી ગત રવિવારે રાત્રથી સોમવારની સવાર દરમિયાન કોઇ અજાણ્યા ઇસમો દુકાનમાં પ્રવેશ કરી ચા સાબુ શેમ્પુ બીડી ગુટકાના પડીકાઓ મળીને 7,370 રૂપિયાનો માલસામાનની ચોરી કરી ગયા હતા. દરમિયાન એ ડિવિઝનના એએસઆઇ કિશોરસિંહ જાડેજાને બાતમી મળી હતી કે, સાંસ્કાર સ્કુલ ચોકડી પાસે ત્રણ ઈશમ એક પ્લાસ્ટીકના કોથળામા કરીયાણાની વસ્તુ લઇને ફરે છે જે બાતમીના આધારે પોલીસ સ્ટાફે અમિન કાસમ નોડ (ઉ.વ.22), અલ્તાફ અબ્દુલ લંઘા (ઉ.વ.21), અલ્ફાઝ ગફુર કુંભાર (ઉ.વ.21), ત્રણેય રહે આશપુરા નગર વાળાઓને ઝડપી પાડ્યા હતા. આ કામગીરી એ ડિવિઝન પીઆઇ એમ.આર બારોટ, માર્ગ દર્શન સવેલન્સ એ.એસ.આઈ કીશોરસસાંહ બી જાડેજા, તથા સુરેન્દ્રસિંહ વી ઝાલા તથા મયુરસિંહ આઇ જાડેજા, અને મયુરસિંહ આર.ઝાલા, પૃથ્વીરાજસિંહ જાડેજા, મામદભાઇ કુંભાર સહિતનો સ્ટાફ જોડાયો હતો.