મુન્દ્રામાં ફરી દારૂના નશાની હાલતમાં બે એસટી ડ્રાઇવર વિરુદ્ધ ફરિયાદ નોંધાવાઇ

મળતી માહિતી મુજબ/ ગત 22 ઑગસ્ટે મુન્દ્રા એસટી ડેપોમાં પીધેલી હાલતમાં ડ્રાઇવર ઝડપાયાની ધટના બાદ ગુરૂવારે બપોરે ફરિ બે ડ્રાઇવરો નશાની હાલત માં જોવા મળ્યા પોલીસને જાણ મળતા તાત્કાલિક નાની ખાખરના અને હારીજના ઈસમને નશાની હાલતમાં કબ્જે કર્યા હતા. મુન્દ્રા એસટી ડેપો મેનેજર અરવિંદ બરંડાએ ગુરૂવારે બપોરે બે વાગ્યાના અરસામાં પોલીસ મથકે રૂબરૂ આવી ફરિયાદ આપી હતી તેમના વર્કશોપમાં બે ડ્રાઈવરો દારૂ પીધેલી હાલતમાં છે. પોલીસે વર્કશોપમાં જઈ 48 વર્ષિય સમરતદાન આઈદાન ગઢવી (દેથા) (રહે. હારીજ) અને 54 વર્ષિય દેવુભા મુળુભા જાડેજા (રહે. નાની ખાખર, માંડવી)ને દારૂ પીધેલી હાલતમાં ઝડપી પાડ્યાં હતા. પોલીસે જણાવ્યું કે બંને જણાંની આંખો નશાથી લાલઘુમ હતી. તેમના મોઢામાંથી દારૂની તીવ્ર વાસ આવતી હતી અને બેઉ લથડીયાં ખાતાં હતા.

બંને સામે પોલીસે પ્રોહિબિશનની ધારા હેઠળ ગુનો નોંધ્યો છે. ઉલ્લેખનીય છે કે, સમરતદાન ગઢવી અગાઉ 22 ઑગસ્ટના પણ પીધેલી હાલતમાં પકડાયો હતો. પોલીસે દારૂડીયા ડ્રાઇવરો વિરૂધ ગુનો નોંધીને આગળની તપાસ હાથ ધરી છે.ત્યારે આવા દારૂિડયા ડ્રાઇવરો સામે પોલીસ અને એસ.ટી. તંત્ર દ્વારા કડક કાર્યવાહી કરવામાં આવે તેવી માગ ઉઠી રહી છે.