આરબ દેશ યુએઈએ રચ્યો ઈતિહાસ અંતરિક્ષયાન, ‘હોપ’નો ‘મંગલ’ પ્રવેશ

સંયુકત આરબ અમીરાત (યુએઈ) ના અંતરીક્ષયાને ગઈકાલે મંગળવારે મોડી રાત્રે મંગળ ગ્રહની કક્ષામાં સફળતાપુર્વક પ્રવેશ કરીને ઈતિહાસ રચ્યો છે. યુએઈનું અંતરીક્ષ યાન હોપ મંગળ ગ્રહની નજીક પહોંચી ગયુ છે અને પ્રથમ પ્રયાસમાં જ મંગળની કક્ષામાં પ્રવેશ કર્યો છે.

આ સાથે યુએઈ લાલ ગ્રહ પર પ્રવેશ મેળવનાર દુનિયાનો પાંચમો અને આરબ રાષ્ટ્રોનો પ્રથમ દેશ બન્યો છે. આર્બીટર જેનું નામ હોય છે જેને અરબીમાં અમલ કહેવામાં આવે છે. હોપ માર્સ મિશનને 2014 માં યુએઈનાં રાષ્ટ્રપતિ હીઝ હાઈનેસ શેખ ખરીફા બિન ઝાયેદ અલ નાહયાન અને મહા મહિમ શેખ મોહમ્મદ બિન રાશીદ અલ મકરીમ દ્વારા ઘોષિત સૌથી મોટી રણનીતિક અને વૈજ્ઞાનિક રાષ્ટ્રીય પહેલ માનવામાં આવે છે. સારા બિંટ યુસેફ અલ અમીરી કે જે માર્સ મિશન માટે ડેપ્યુટી પ્રોજેકટ મેનેજર અને યુએઈનાં મુખ્ય રાજયમંત્રી છે. તેમણે જણાવ્યું હતું કે આ માત્ર 200 અમીરાતી કામ કરનારાઓ જ નહિં બલકે વિભિન્ન ખંડોનાં 450 લોકોનો આંતર રાષ્ટ્રીય પ્રયાસ છે.