વટવાની આયશા મકરાણી ઉર્ફે સોનુએ રિવરફ્રન્ટ પર આપઘાત કર્યો હતો
વટવાની આયશા મકરાણી ઉર્ફે સોનુએ રિવરફ્રન્ટ પર આપઘાત કર્યો હતો. આ ઘટના પહેલા આયશાએ પોતાના પતિ તથા પિતાની સાથે ફોન પર વાત કરી હતી, આ ફોન રેકોર્ડ અને વીડિયો જબરજસ્ત વાયરલ થઈ રહ્યા છે. જે અંગે પોલીસ દ્વારા નોંધ લઈને કાર્યવાહી કરવામાં આવી રહી છે.રિવરફ્રન્ટ ઉપરથી યુવતીએ હસતાં મોઢે આપઘાત કર્યો, ‘યે પ્યારી સી નદી.. મુઝે અપને આપ મેં સમા લે’
એક તરફ આયશાએ પોતાના લગ્ન જીવનથી કેટલી કંટાળી છે તે અંગેની પિતા સાથેની ફોન પર થયેલી વાતચીતમાં સ્પષ્ટ થાય છે. જ્યારે બીજી તરફ તેના પતિએ વોટ્સએપ પર મૂકેલું સ્ટેટસ સામે આવી રહ્યું છે. સ્થાનિક મીડિયા રિપોર્ટ્સમાં આ આયશાના પતિ આરીફનું સ્ટેટસ હોવાનું કહેવામાં આવી રહ્યું છે.કરવામાં આવ્યો છે. જેમાં લખવામાં આવ્યું છે કે, “કૌન ચલા ગયા યે ઈમ્પોર્ટન્ટ નહીં હૈ, કૌન અબ ભી સાથ હૈ યે ઈમ્પોર્ટન્ટ હૈ!” આ પછી તેણે આગનું અને 100% દર્શાવતા ઈમોજી પણ મૂક્યા છે. પરિવારમાં એક દુઃખદ ઘટના બન્યા પછી પણ સ્ટેટસમાં જે પ્રકારની પતિની માનસિકતા છતી થઈ રહી છે તે લોકોને વધુ હચમચાવી રહી છે.
Ayeshas husband arifs status
આયશાના લગ્ન વર્ષ 2018માં રાજસ્થાનમાં રહેતા આરીફ ખાન સાથે થયા હતા. લગ્ન પછી તેને દહેજ સહિતના મામલે ત્રાસ આપવામાં આવતો હતો. ઓડિયોમાં આયશાના પિતા એવું કહેતા પણ સંભળાય છે કે તેઓ તેની તકલીફ દૂર કરવા માટે બધી ફરિયાદ પાછી ખેંચી લેશે.
આયશા પાસે સતત દહેજની માગણી અને તે પૂરી ના થતાં તેને રાજસ્થાનથી તેના પિયર વટવામાં મૂકી દેવામાં આવી હતી, આ પછી આયશાના પિતાએ સાસરિયાને દોઢ લાખ રુપિયા આપ્યા હતા. આ પછી આરીફ આયશાને તેડી ગયો હતો પરંતુ ફરી દહેજ મામલે તેના પર અત્યાચાર શરુ થતા તેણે પરત અમદાવાદમાં આવીને પતિ અને સાસુ, સસરા સહિતના લોકો સામે ફરિયાદ નોંધાવી હતી અને ઘરેલુ હિંસાનો કેસ દાખલ કર્યો હતો.
