મોરબીમાં જુદી જુદી બે જગ્યાએ જુગારની બે રેડમાં પોલીસે નવ જુગારીઓની 18 હજાર રૂપિયાની રોકડ સાથે ધરપકડ કરી

મોરબીમાં જુદી જુદી બે જગ્યાએ જુગારની બે રેડમાં પોલીસે નવ જુગારીઓની 18 હજાર રૂપિયાની રોકડ સાથે ધરપકડ કરી હતી તેની સામે પોલીસે જુગારધારા હેઠળ ગુનો નોંધી આગળની કાર્યવાહી હાથ ધરી છે. બી ડિવિઝન પોલીસ સ્ટાફે પેટ્રોલિંગ દરમિયાન માળીયા હાઈવે ઉપર આવેલ ફર્ન હોટલ નજીક આવેલા ટ્રક પાર્કિંગ સ્ટેન્ડમાંથી જુગાર રમતા ચાર જુગારીઓને ઝડપી પાડયા હતા. ફર્ન હોટેલ નજીક ટ્રક પાર્કિંગ સ્ટેન્ડમાં જુગાર રમી રહેલ જેલાજી બીજલજી ઠાકોર (50) રહે.ખારીયાવાસ પલાસણા મોરબી, જામાજી મણાજી ઠાકોર (40) રહે.નાવપાણી તા.પાટડી જી.સુરેન્દ્રનગર, દિનેશ વિશા રાવલ (42) રહે.નાગલપુર જી.મહેસાણા અને અંદરસિંગ ચનુભા ઝાલા જાતે દરબાર (42) રહે.કરણસાગર તા.બેચરાજી જી.મહેસાણા વાળા ચારેય ટ્રક ડ્રાઈવરો રોકડા રૂા.12,700 સાથે ધરપકડ કરી તેઓની વિરુદ્ધ જુગારધારા કલમ હેઠળ ગુનો દાખલ કરવામાં આવ્યો હતો. જયારે જુગારની બીજી રેડ ગ્રીન ચોક બાજુમાં આવેલ મોચી શેરી પાસે હનુમાનજીના મંદિર નજીક જાહેરમાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે કિશન રમેશભાઈ કૈલા, પંકજ નારણભાઈ કૈલા, કમલેશ મણિલાલભાઈ ચૌહાણ, રાકેશ ભાઈ બુધાભાઈ રાવા અને દીપકભાઈ મનોજભાઈ રાતડીયા જુગાર રમતા મળી આવ્યા હતા જેથી પોલીસે તેઓની પાસેથી 5300 રૂપિયાની રોકડા કબ્જે કાઈર હતી અને તેની સામે જુગારધારા હેઠળ ગુનો નોંધી આગળની કાર્યવાહી હાથ ધરી હતી