વાંકાનેર : રાતાવીરડા ગામના મકાનમાં જુગાર રમતા સાત ઇસમો ઝડપાયા

વાંકાનેર તાલુકાના રાતાવીરડા ગામના રહેણાંક મકાનમાં રેડ કરીને પોલીસે રોકડ રકમ, મોબાઈલ અને વાહન મળીને કુલ રૂ. 3.15 લાખના મુદામાલ સાથે સાત ઇસમોને ઝડપી પાડ્યા. ત્રણ ઈસમો નાસી જતા ગુન્હો નોંધી વધુ તપાસ હાથ ધરી.

વાંકાનેર તાલુકાના રાતાવીરડા ગામના રહેણાંક મકાનમાં બાતમીને આધારે તાલુકા પોલીસે રેડ કરી. જુગાર રમતા જીતું ઉર્ફે જીતો લાખાભાઈ વીરસોડીયા, ઉમેશ ઉર્ફે લાલો વેજીભાઈ બાવરવા, ધનજી દિનેશ ઉકેડીયા, ભરત ઉર્ફે મુન્નો ભગવાનજી ઝીઝુંવાડિયા, મહેશ જીણા મેરજીયા, વિવેક દિનેશ ડોડીયા અને દેવેન્દ્ર ઓમ પ્રકાશ શર્મા એમ સાત ઇસમોને ઝડપી પાડ્યા અને રોકડ રૂ 60,500, 10 મોબાઈલ અને વાહન મળીને કુલ રૂ 3,15,500/-નો મુદામાલ જપ્ત કર્યો. જ્યારે રેડ દરમ્યાન આરોપી ગોવિંદ ગીરધર સરાવાડિયા રહે માટેલ, દેવજી રામસંગ રીબડીયા અને કિશન પ્રેમજી અબાસણીયા રહે બંને રાતાવીરડા વાળા નાસી જતા પોલીસે ફરિયાદ નોંધી વધુ તપાસ હાથ ધરી.