ખંભાળિયા પાસે એસ્સાર બલ્ક ટર્મિનલમાંથી રૂ. 3.5 લાખની તસ્કરી કરાઇ

આ અંગે પોલીસ સૂત્રો દ્વારા જાણવા મળતી માહિતી અનુસાર ખંભાળિયા-જામનગર ધોરી માર્ગ પર અહીથી અંદાજે 15 કિલોમીટર દૂર મોટા માંઢા ગામની સીમમાં આવેલી એસ્સાર બલ્બ ટર્મિનલ લિમિટેડ કંપનીના સલાયા જેટીથી એસ્સાર પાવર પ્લાન્ટ સુધીના વિદેશથી આયાત થતા કોલસાને પ્લાન્ટ સુધી લાવવા માટે લગાવવામાં આવતા કન્વેયર બેલ્ટમાંથી 320 કિલોગ્રામ વજન ધરાવતી લોખંડની ફ્રેમ, 680 કિલોગ્રામ વજનના રોલર તથા 506 કિલોગ્રામ વજનના 46 નંગ ક્રોસ બ્રાસિંગ (આડા ટેકા) મળી કુલ રૂ. 3.5 લાખની કિંમતનો મુદ્દામાલ ચોરી થયાનું કંપનીના ધ્યાને આવ્યું હતું. આથી આ અંગે કંપનીના કર્મચારી જેસંગજી ઉર્ફે જશવંતસિંહ બળવંતસિંહ જાડેજા દ્વારા અજાણ્યા ચોર  સામે ખંભાળિયા પોલીસ મથકમાં ધોરણસર ફરિયાદ દાખલ કરવામાં આવી છે. જે અંગે પોલીસે આઈપીસી કલમ 379 અનુસાર ગુનો દાખલ કરી, તસ્કરોને પકડી પાડવા માટે વિવિધ દિશામાં તપાસ શરૂ કરી છે.