લુડીયા ત્રણ રસ્તા પાસે કાર અને ટ્રકનો અકસ્માત સર્જાયો

લુડીયા ત્રણ રસ્તા પાસે કાર અને ટ્રકનો અકસ્માત સર્જાતા 3 લોકોને ઇજાઓ પહોચી હતી. આ અંગે અબ્દુલ મજીદ મામદ નોડેએ ખાવડા પોલીસ મથકે ફરિયાદ નોંધાવતાં જણાવ્યુ હતું કે, તેઓ તા.29-1ના પોતાના મિત્ર મોહમંદ અમીન હસન ઇબ્રાહિમ નોડે તથા અમાર સૈયદ સાથે ફરવા ગયા હતા. તેઓ ત્રણેય GJ-12DS-0964  કારથી ફરી પરત ફરી રહ્યા હતા તે દરમિયાન આશરે પોણા છ એક વાગ્યાના અરસામાં લુડીયા ત્રણ રસ્તા પાસે પહોચતા GJ-12-BV-8877ના ટ્રક ચાલકે પોતાના કબજામાં રહેલ વાહન પુર ઝડપે બેદરકારી અને ગફલતભરી રીતે ચલાવી કારમાં અથડાવતા આ અકસ્માત સર્જાયો હતો. આ ઘટના દરમિયાન કાર મોહમંદ અમીન હસન ચલાવી રહ્યા હતા જ્યારે ફરિયાદી બાજુની સીટ પર બેસેલ હતા. આ અકસ્માતમાં ફરિયાદીને તથા અન્ય બે સાહેદોને ઇજાઓ પહોચી હતી. ત્રણેયને સારવાર અર્થે જી.કે.જનરલ હોસ્પિટલ ખસેડાયા હતા. જ્યાં ફરજ પરના તબીબે ફરિયાદીને માથાના ભાગે તેમજ જમણા હાથમાં ફેકચર તેમજ અન્ય બે લોકોને સામાન્ય ઇજાઓ પહોચી હોવાનું જણાવ્યુ હતું. અકસ્માત સર્જી ટ્રક ચાલક ઘટના સ્થળેથી નાસી ગયો હતો. પોલીસે ટ્રક ચાલક  વિરુદ્ધ ગુનો નોંધી આગળની તપાસ હાથ ધરી છે.