અંજારમાં જાહેરમાં વરલી મટકાનો જુગાર રમતો શખ્સ ઝડપાયો
અંજાર પોલીસ પેટ્રોલિંગમાં હતી તે દરમિયાન લક્ષ્મી ટોકીઝ પાસે પહોચતા તેમને ખાનગી રાહે ચોક્કસ બાતમી મળી હતી કે, અંજારના કોલીવાસમાં રહેતો ભરત કોલી લક્ષ્મી ટોકીઝ પાસે જાહેરમાં વરલી મટકાનો આંક ફેરનો રૂપિયાની હાર જીતનો જુગાર રમી-રમાડી રહ્યો છે. પોલીસે કાર્યવાહી કરી બાતમીવાળા સ્થળ પર દરોડો પાડી જાહેરમાં વરલી મટકાનો જુગાર રમતા શખ્સને ઝડપી પાડ્યો હતો. પોલીસે પકડાયેલ આરોપી ભરત કોલી પાસેથી આંક લખેલ એક પાનું, પેન તેમજ રોકડા રૂપિયા 990 નો મુદ્દામાલ કબ્જે કર્યો હતો. પોલીસે આરોપી વિરુદ્ધ જુગારધારા કલામ અનુસાર ગુનો નોંધી કાયદેસરની કાર્યવાહી હાથ ધરી હતી.
