બાલાસર પોલીસે ફિલ્મી ઢબે કારનો પીછો કરી શરાબનો જથ્થો ઝડપ્યો

રાપર તાલુકાના બાલાસર પોલીસ સ્ટેશન ના પીએસઆઇ ડી.એલ.ખાચર તથા પોલીસ સ્ટાફ પોલીસ સ્ટેશન વિસ્તારમાં પેટ્રોલીંગ મા હતા તે દરમિયાન બાલાસર પોલીસ મથક ના કાન્તીસિંહ રાજપુત  હેડ કોન્સ્ટેબલ ને મળેલી પૂર્વ બાતમીના આધારે  ડોરાથાણા મૌઆણા વિસ્તારમાં બાતમી વાળી હુન્ડાઇ કંપનીની વરના ગાડી જેના રજી નં. MH.02.AY.6322 વાળીનો પીછો કર્યો હતો.  આ દરમિયાન આરોપી બાલાસર પોલીસ મથક હેઠળના ડોરાથાણા નજીક ગાડી મુકી નાસી  ગયો હતો.

ગાડી ની તપાસ કરતા હુન્ડાઇ કંપનીની વરના ગાડી જેના રજી નં. MH.02.AY.6322 વાળી ગાડીમાથી  ભારતીય બનાવટના વિદેશી દારૂના કવાટરીયા નંગ-૯૧૨ જેની કિ.રૂ.૯૧,૨૦૦ તથા બીયરના ટીન નંગ-૨૮૮ જેની કિ.રૂ.૨૮,૮૦૦/- એમ કુલ્લે રૂપીયા ૧,૨૦,૦૦૦/- નો પ્રોહીનો જથ્થો વરના ગાડી જેની કિ.રૂ.૧,૩૦,૦૦૦/- એમ કુલ્લે રૂપીયા ૨,૫૦,૦૦૦/- નો મુદ્દામાલ કબ્જે કર્યો હતો. પોલીસે નાસી ગયેલ આરોપી વિરુદ્ધ ગુનો નોંધી કાયદેસરની કાર્યવાહી હાથ ધરી હતી.