ભુજમાંથી 3.53 લાખના મુદ્દામાલ સાથે ત્રણ મહિલા સહિત નવ જુગારપ્રેમીઓ ઝડપાયા

ભુજમાં એક રહેણાંક મકાનમાથી 3 સ્ત્રી સહિત 9 ખેલીઓને ઝડપાયા હતા. પોલીસે પકડાયેલ શખ્સો પાસેથી રોકડ રૂા. 73,600 સહિત કુલ રૂા. 3,53,600નો મુદ્દામાલ હસ્તગત કર્યો હતો. આ મામલે મળેલ માહિતી અનુસાર પોલીસને ખાનગી રાહે બાતમી મળેલ હતી કે, ભુજ ખાતે આવેલ  ભાનુશાલીનગરમાં રિલાયન્સ મોલવાળી શેરીમાં આવેલા સચિન પ્રહલાદભાઈ ઠક્કરના મકાનમાં જુગારનો અડ્ડો ચાલી રહ્યો છે. મળેલ બાતમીના આધારે પોલીસે હકીકત વાળી જગ્યાએ દરોડો પાડી જુગાર રમતા ત્રણ સ્ત્રીઓ સહિત નવ ખેલીઓને ઝડપી પાડ્યા હતા. પોલીસે પકડાયેલા જુગારપ્રેમીઓ પાસેથી રોકડા રૂા. 73,600  સહિત કુલ રૂા. 3,53,600નો મુદ્દામાલ કબ્જે કર્યો હતો. પોલીસે પકડાયેલ ખેલીઓ વિરુદ્ધ જુગાર ધારાની કલમો તળે ગુનો નોંધી આગળની વધુ કાયદેસરની કાર્યવાહી હાથ ધરી છે.