ગાંધીધામમાં બે દુકાનોમાંથી રૂા 9900ના હર્બલ ટોનિકની બોટલો પોલીસે ઝડપી પાડી હતી. આ મામલે સૂત્રો દ્વારા મળેલ માહિતી અનુસાર ગાંધીધામનાં ચાવલા ચોક પાસે લોહાણા મહાજનવાડી નીચે આવેલી દુકાન નંબર-4 ગીતા એન્ટર રેસ્ટોરેન્ટમાં પોલીસે પ્રથમ કાર્યવાહી હાથ ધરી હતી. આ દુકાનમાંથી અલગ-અલગ બ્રાન્ડની હર્બલ ટોનિકની 56 બોટલો પોલીસે કાર્યવાહી દરમ્યાન હસ્તગત કરી હતી. આ બોટલો અંગે દુકાનનાં સંચાલક પાસે આધાર પુરાવા મગાતાં તે રજૂ કરી શક્યો ન હતો. ઉપરાંત બીજી કાર્યવાહી ગાંધીધામ ખાતે આવેલ નવી સુંદરપુરી નીલકંઠ મહાદેવ મંદિરની પાસે આવેલ દુકાનમાં હાથ ધરી હતી. જેમાં અલગ-અલગ બ્રાન્ડની 17 બોટલ કિંમત રૂા. 2220 હર્બલ ટોનિકની બોટલો નીકળી પડી હતી. આ દુકાનના માલિક પાસેથી આ બોટલોના આધાર પુરાવા મગાતાં તે રજૂ કરી શક્યો ન હતો. પોલીસે તમામ મુદ્દામાલ કબ્જે કરી આગળની વધુ કાયદેસરની કાર્યવાહી હાથ ધરી છે.