અંજાર ખાતે આવેલ તુણા નજીક સર્જાયેલ ગમખ્વાર અકસ્માતમાં વંડીના યુવાનનું મોત

અંજાર તાલુકાના તુણા ગામ પાસે ટ્રક અને ટ્રેઈલર વચ્ચે સર્જાયેલ ગમખ્વાર અકસ્માતમાં બાઇક ચાલકનું મોત થયું હતું. આ બનાવ અંગે સૂત્રો દ્વારા મળેલ માહિતી અનુસાર અંજાર તાલુકાના તુણા ગામ પાસે આ અક્સસ્માત સર્જાયો હતો. મળેલ માહીતી અનુસાર વંડી ગામનો યુવાન પોતાની બાઈક લઇને તુણા પોર્ટ તરફ જઈ રહ્યો હતો. તે સમયે સામેથી આવતા ટ્રક- ટ્રેઈલરના ચાલકે બાઇકને હડફેટમાં લેતાં આ બાઈકના ચાલકને ગંભીર પ્રકારની ઈજાઓ પહોંચી હતી. ગંભીર ઇજાઓના પગલે યુવાનને સારવાર અર્થે હોસ્પિટલ લઈ જવામાં આવેલ હતો. જ્યાં સારવાર દરમ્યાન તેનું મોત નીપજયું હતું. પોલીસે આ મામલે ટ્રકના ચાલક વિરુદ્ધ ફરિયાદ દાખલ કરી આગળની વધુ તપાસ હાથ ધરી છે।