રામમંદિર પ્રાણપ્રતિષ્ઠા મહોત્સવ  ઉજવણી  અંતર્ગત ગાંધીધામ 51 હજાર દીવડાથી ઝળહળી ઉઠ્યું

સૂત્રો દ્વારા જણાઈ રહ્યું છે કે, અયોધ્યામાં રામમંદિર પ્રાણપ્રતિષ્ઠા મહોત્સવ  ઉજવણી અંતર્ગત ગાંધીધામમાં  રોટકેટર કલબ અને ઓમગ્રુપના ઉપક્રમે આયોજિત કાર્યક્રમમાં એક સાથે 51 હજાર દીવડા પ્રજ્વલિત કરવામાં આવેલ હતા. જેથી સમગ્ર સંકુલ દીપી ઊઠયું હતું. છેલ્લા કેટલા સમયથી આ પ્રાણપ્રતિષ્ઠા મહોત્સવને લઈને  શહેરના  વિસ્તારોને શણગારવા સાથે વિવિધ પ્રકારની તૈયારીઓ ખૂબ જ જોરમાં હતી. સૂત્રો દ્વારા માહિતી મળી રહી છે કે, સંધ્યા સમયે ઝંડાચોક અને આજુબાજુના વિસ્તારોમાં દીવાઓ ગોઠવવામાં આવેલ હતા, જે પ્રજ્વલિત થતાની સાથે જ દીપોત્સવ જેવો માહોલ જોવા મળ્યો હતો, ત્યારબાદ મહાઆરતી કરવામાં આવી હતી. અયોધ્યાની આરતીને નિહાળવા વિશાળ એલ.ઈ.ડી. સ્કીનમાં લાઈવ પ્રસારણની વ્યવસ્થા કરવામાં આવી હતી.  આ સમયે 51  નાસિક  ઢોલના તાલે  પ્રસ્તુત  કરવામાં આવેલ કૃતિ સાથે સમગ્ર સંકુલ રામભક્તિ  સાથે ગૂંજી ઊઠયું હતું. ઉપરાંત આતશબાજી સાથે  આકાશ  ઝળકી ઊઠયું હતું.