હળવદ ખાતે આવેલ માથકની આરકે વાળીમાંથી ૧૫૯ વિદેશી દારૂની બોટલ કબ્જે

હળવદ ખાતે આવેલ માથક ગામે એક વાળીમાંથી વિદેશી દારૂનો જથ્થો મોરબી એલસીબી ટીમે ઝડપી પાડ્યો હતો. આ મામલે સૂત્રો દ્વારા મળેલ માહિતી અનુસાર મોરબી એલસીબી  ટીમ પેટ્રોલીંગમાં હતી તે દરમ્યાન તેમને ખાનગી રાહે બાતમી મળેલ હતી કે, માથક ગામના બે શખ્સો એ ભાગીદારીમાં વિદેશી દારૂનો જથ્થો મંગાવી અને માથક ગામના   વટેશ્વરઢોરાં વાળી સીમમાં આવેલ વાડીની ઓરડીમાં દારૂનો જથ્થો રાખી તેનું વેચાણ કરી રહ્યા છે. મળેલ બાતમીના આધારે પોલીસે કાર્યવાહી હાથ ધરી અને બાતમી વાળા સ્થળ પર દરોડો પાડી વિદેશી દારૂની બોટલ નંગ ૧૫૯ કીમત રૂ.૫૩,૮૫૦નો દારૂ કબ્જે કર્યો હતો. હાથ ધરવામાં આવેલ કાર્યવાહી દરમ્યાન આરોપી શખ્સો હાજર મળ્યા ન હતા. પોલીસે તમામ મુદ્દામાલ કબ્જે કરી આરોપી શખ્સોને ઝડપી પાડવા આગળની વધૂ તપાસ હાથ ધરી છે.