ઓનલાઇન નાણાકીય છેતરપીંડીમાં ગયેલ રકમમાંથી રૂ.૫૭,૧૭૧/- ફ્રીઝ કરાવી અરજદારને પરત અપાવતી સાયબર ક્રાઇમ સેલ(લોકલ ક્રાઇમ બ્રાન્ચ) પશ્ચિમ કચ્છ ભુજ

શ્રી જે.આર.મોથાલિયા સાહેબ, પોલીસ મહાનિરીક્ષકશ્રી, સરહદી રેન્જ, ભુજ તથા શ્રી મહેન્દ્ર બગડીયા સાહેબ, પોલીસ અધિક્ષકશ્રી, પશ્ચિમ કચ્છ-ભુજનાઓ દ્રારા સાયબર ક્રાઇમના ગુન્હા અટકાવવા તથા શોધવા અંગેની સુચના અને માર્ગદર્શન આપવામાં આવેલ જે અનુસંધાને,

જે સુચના અનુસંધાને નોડલ અધિકારી અને પોલીસ ઇન્સ્પેકટરશ્રી એસ.એન.ચુડાસમા સાહેબ સાયબર ક્રાઇમ સેલ(એલ.સી.બી.) પશ્ચિમ કચ્છ-ભુજનાઓના માર્ગદર્શન હેઠળ પોલીસ કોન્સ્ટેબલ કલ્પેશ ભેમાભાઈ ચૌધરી તથા પરબતભાઇ ચૌધરી દ્રારા KYC અપડેટ ફોડ, લોન-લોટરી ફોડ, અનઓથોરાઇઝેડ ટ્રાન્ઝેકશન ફ્રોડ, જોબ ફોડ, શોપીંગ ફોડ, આર્મીના નામે OLX/ફેસબુક એડમાંથી વસ્તુ ખરીદીને લગતા ફ્રોડ જેવા સાયબર ક્રાઇમના બનાવોમાં પશ્ચિમ-કચ્છ ભુજ જીલ્લા સાયબર સેલ હંમેશા ભોગ બનનારને તાત્કાલીક મદદરૂપ થાય છે.

અરજદારશ્રી જ્યોતિન્દ્રભાઈ વ્યાસ (સીનીયર સીટીઝન) રહે. ભુજ વાળા સાથે થયેલ ફ્રોડની રકમમાંથી રૂ.૫૭,૧૭૧/- પરત અપાવી સરાહનીય કામગીરી કરેલ. આ કામની હકીકત એવી છે કે, અરજદારશ્રીને એક અજાણ્યા ઇસમનો ફોન આવેલ અને જણાવેલ કે હું તમારી સાથે પહેલા જોબ કરતો એ શર્માજી વાત કરૂ છુ અને જણાવેલ કે મારી વાઇફ હોસ્પીટલમાં દાખલ છે અને રૂપિયાની જરૂર છે અને મારા ખાતામાંથી રૂપિયા ટ્રાન્સફર થતા નથી જેથી તમે હોસ્પીટલના ખાતામાં રૂપિયા મોકલો હું તમને થોડીવારમાં મારા બીજા ખાતામાંથી રૂપિયા પરત મોકલુ છું, જે સામાવાળાની વાત પર અરજદારશ્રી વિશ્વાસ કરી અલગ – અલગ ટ્રાન્ઝેકશન કરી કુલ્લ રૂ.૭૦,૦૦0/- મોકલેલ બાદ પણ સામાવાળો વારંવાર ફોન કરી વધારે રૂપિયાની માંગણી કરતાં અરજદારશ્રીએ પોતાના મિત્ર સમજેલા શર્માજીને વિડીયો કોલ કહેવાનું કહેતા સામાવાળાએ અભદ્ર ભાષામાં વાત કરતા અરજદારશ્રીને પોતાની સાથે ફ્રોડ થયાનુ જણાઇ આવતા તેઓએ તુરંત જ સાયબર સેલ (એલ.સી.બી.) પશ્ચિમ કચ્છ-ભુજનો સંપર્ક કરતાં સાયબર સેલ (એલ.સી.બી.) દ્રારા આ બનાવમાં ભોગબનનારને મદદરૂપ થઇ તાત્કાલીક પત્રવ્યવહાર તથા ટેકનીકલ રીસોર્સના આધારે અરજદારશ્રીની ગયેલ રકમમાંથી રૂ.૫૭,૧૭૧/- અરજદારશ્રીના અકાઉન્ટમાં પરત અપાવેલ.

સાવચેતી

• કોઇપણ મિત્ર તેના ફેસબુક/ઇન્સ્ટાગ્રામ મેસેન્જર,વોટ્સએપ તેમજ અજાણ્યા નંબરથી ફોન દ્રારા રૂપીયાની માંગણી કરે તો રૂપિયા મોકલતા પહેલા તે મિત્રની ઓળખ કરી તેના મોબાઇલ નંબર પર તેની ખરાઇ કરવી.
• કોઇપણ બેંક/મોબાઇલ કંપની માંથી ફોન કોલ આવે તો કોઇપણ જાતના બેંક અકાઉન્ટ તથા OTP ની માહીતી શેર કરવી નહી

કોઇ અજાણ્યા મોબાઇલ નંબરથી ફોન આવેથી મોબાઇલમાં કોઈપણ એપ્લીકેશન (ઉ.દા.Team Viewer, Any Desk) ડાઉનલોડ/ઇન્સ્ટોલ કરવી નહી.

• અજાણી સ્ત્રીના ફોટાવાળી ફેસબુકમા ફ્રેન્ડ રીકવેસ્ટ એકસેપ્ટ કરવી નહી.
• કોઇપણ ચીજવસ્તુની ઓનલાઇન ખરીદી વખતે ઓફીસીયલ વેબસાઇટની ખરાઇ કરીને જ ખરીદી કરવી.
• સસ્તા સોનાના નામે ઇન્ડીયા માર્ટમાં જાહેરાત આવે તો લાલચમાં આવવું નહી.
• અજાણ્યા મોબાઇલ નંબર પરથી આવેલ કોઇપણ જાતની લીંક ઓપન કરવી નહી.

ભોગબનનારે કરવાની કાર્યવાહી

• તમો ઓનલાઇન ફોડનો ભોગ બનો તરત જ સાયબર ક્રાઇમ હેલ્પલાઈન નંબર – ૧૯૩૦ પર કોલ કરવો.
• તેમજ નજીકના પોલીસ સ્ટેશન/સાયબર સેલ શાખાનો સંપર્ક કરવો અને તમારા ફ્રોડ થયેલ બેંક ખાતાની સંપર્ણ વિગતો આપવી.